దుర్గా పూజా మండపం వద్ద తొక్కిసలాట.. 17 మంది మృతి?
కోల్కతాలో దుర్గా పూజా మండపం వద్ద తొక్కిసలాట.. 17 మంది మృతి?
30 మందికి పైగా గాయాలు.. ఆస్పత్రులకు క్షతగాత్రుల తరలింపు
కోల్కతా: పండగ వేళ పశ్చిమ బెంగాల్లో తీవ్ర విషాదం చోటుచేసుకున్నట్లు సమాచారం. రాజధాని కోల్కతాలోని ఓ దుర్గా పూజా మండపం వద్ద తొక్కిసలాట జరిగినట్లు తెలుస్తోంది. ఈ ఘటనలో 17 మంది మృతి చెందినట్లు, 30 మందికి పైగా గాయపడినట్లు ప్రాథమిక సమాచారం వెల్లడిస్తోంది. క్షతగాత్రులను సమీపంలోని ఆస్పత్రులకు తరలించి చికిత్స అందిస్తున్నట్లు సమాచారం.
ప్రాథమిక వివరాల ప్రకారం.. శనివారం ఉత్తర కోల్కతాలోని చోర్బాగన్ సార్వజనిన్ దుర్గా పూజా మండపం వద్ద ఈ ఘటన చోటుచేసుకుంది. పండుగను పురస్కరించుకుని భక్తులు పెద్ద సంఖ్యలో తరలిరావడంతో ఒక్కసారిగా రద్దీ పెరిగి తొక్కిసలాట జరిగినట్లు ప్రత్యక్ష సాక్షులు చెబుతున్నారు.
ఇరుకైన ద్వారాలే కారణమా?
మండపంలోకి ప్రవేశించేందుకు, బయటకు వెళ్లేందుకు ఏర్పాటు చేసిన ద్వారాలు ఇరుకుగా ఉండటంతో రద్దీ పెరిగి ప్రమాద తీవ్రత అధికమైనట్లు ప్రత్యక్ష సాక్షులు పేర్కొంటున్నారు. గాయపడిన వారిలో పలువురిని బైకులపై ఆస్పత్రులకు తరలించినట్లు సమాచారం. అయితే తొక్కిసలాటకు గల ఖచ్చితమైన కారణాలు అధికారికంగా నిర్ధారణ కావాల్సి ఉంది.
ఘటనాస్థలిని సమీక్షించిన సీఎం
ప్రమాద సమాచారం అందుకున్న ముఖ్యమంత్రి సువేందు అధికారి, రాష్ట్ర ప్రభుత్వ ప్రధాన కార్యదర్శి మనోజ్ అగర్వాల్ పరిస్థితిని సమీక్షించేందుకు కలకత్తా మెడికల్ కాలేజీకి చేరుకున్నట్లు సమాచారం.
ఈ ఘటనపై మాజీ ముఖ్యమంత్రి మమతా బెనర్జీ దిగ్భ్రాంతి వ్యక్తం చేసినట్లు తెలుస్తోంది. గాయపడిన వారు త్వరగా కోలుకోవాలని ఆకాంక్షిస్తూ, మృతుల కుటుంబాలకు సంతాపం తెలియజేశారు.

Post a Comment