చౌకగా వచ్చిందని కొన్నరంటే... ఆసుపత్రి పాలే! హైదరాబాద్‌లో భారీ ఫుడ్ స్కామ్

చౌకగా వచ్చిందని కొన్నరంటే... ఆసుపత్రి పాలే! హైదరాబాద్‌లో భారీ ఫుడ్ స్కామ్ బట్టబయలు

హైదరాబాద్‌లో ఆహార భద్రతపై ఆందోళన కలిగించే ఘటన వెలుగులోకి వచ్చింది. హెచ్-ఫాస్ట్ (H-FAST) అధికారులు నిర్వహించిన ప్రత్యేక తనిఖీల్లో భారీ స్థాయిలో నకిలీ పనీర్ తయారీ, విక్రయాల వ్యవహారం బయటపడింది.

అధికారులు 45 ఫుడ్ ఔట్‌లెట్లు, 8 తయారీ యూనిట్లపై దాడులు నిర్వహించి మొత్తం 825 కిలోల నకిలీ పనీర్‌ను స్వాధీనం చేసుకున్నారు. తనిఖీల్లో కూరగాయల కొవ్వులు, నాణ్యతలేని పదార్థాలతో తయారు చేసిన “చీజ్ అనలాగ్” ఉత్పత్తులను అసలైన పనీర్‌గా విక్రయిస్తున్నట్లు గుర్తించారు.

ఆహార నిపుణుల ప్రకారం, ఇటువంటి నకిలీ ఉత్పత్తులను దీర్ఘకాలం తీసుకోవడం వల్ల జీర్ణ సమస్యలు, అలర్జీలు, ఇతర ఆరోగ్య సమస్యలు తలెత్తే ప్రమాదం ఉంది. ముఖ్యంగా పిల్లలు, వృద్ధులు, అనారోగ్యంతో బాధపడుతున్నవారు ఎక్కువగా ప్రభావితమయ్యే అవకాశం ఉందని హెచ్చరిస్తున్నారు.

వినియోగదారులు తీసుకోవాల్సిన జాగ్రత్తలు

• అత్యంత చౌక ధరకు లభించే పనీర్‌ను కొనుగోలు చేసే ముందు నాణ్యతను పరిశీలించాలి.
• విశ్వసనీయ బ్రాండ్లు, గుర్తింపు పొందిన దుకాణాల నుంచే కొనుగోలు చేయాలి.
• రుచి, వాసన, రంగులో అసాధారణ మార్పులు కనిపిస్తే వినియోగించకూడదు.
• అనుమానాస్పద ఆహార పదార్థాలపై సంబంధిత అధికారులకు ఫిర్యాదు చేయాలి.

మన కుటుంబ సభ్యుల ఆరోగ్యం మన చేతుల్లోనే ఉంది. మనం బయట తింటున్న పనీర్ నిజంగా పనీర్‌నేనా? అప్రమత్తంగా ఉండండి.. ఈ సమాచారాన్ని మీ స్నేహితులు, బంధువులతో పంచుకోండి.