పాద రక్షల ఘటనపై టీటీడీ చర్యలు (వీడియో)

తిరుమల శ్రీవారి దర్శనంలో చోటు చేసుకున్న తాజా ఘటనపై తిరుమల తిరుపతి దేవస్థానం (టీటీడీ) తీవ్రమైన చర్యలు తీసుకుంది. వైకుంఠం క్యూ కాంప్లెక్స్ ద్వారా ఇద్దరు వ్యక్తులు తెల్లరంగు మెత్తటి గుడ్డతో తయారు చేసిన డిస్‌పోజబుల్ చెప్పులు ధరించి దర్శనానికి ప్రవేశించిన ఘటనపై టీటీడీ సీరియస్‌గా స్పందించింది. భద్రతా వ్యవస్థలో ఈ విఫలతను గుర్తించిన టీటీడీ, తమ విధుల్లో నిర్లక్ష్యం వహించిన సిబ్బందిపై కఠిన చర్యలు తీసుకుంది.

టీటీడీ ఈవో జె. శ్యామల రావు ఆదేశాల మేరకు, ఫుట్‌పాత్ హాల్ మరియు డౌన్ స్కానింగ్ పాయింట్ వద్ద విధులు నిర్వహిస్తున్న టీటీడీ సిబ్బంది, భద్రతా సిబ్బందిని వెంటనే సస్పెండ్ చేశారు. అంతేగాక, ఎస్పీఎఫ్ విభాగానికి చెందిన నిర్లక్ష్య సిబ్బందిపై చర్యలు తీసుకోవాలని SPF డైరెక్టర్ జనరల్‌కు ప్రతిపాదన కూడా పంపారు.

సస్పెండ్ అయిన టీటీడీ సిబ్బంది (2 మంది):

చక్రపాణి – సీనియర్ అసిస్టెంట్
వాసు – జూనియర్ అసిస్టెంట్

సస్పెండ్ అయిన టీటీడీ భద్రతా సిబ్బంది (5 మంది):

డి. బాలకృష్ణ (PSG: 0807)
వసుమతి (CWPSG: 514067)
టి. రాజేష్ కుమార్ (AWPO: 512475)
కె. వెంకటేష్ (PSG: 932)
ఎం. బాబు (AWPO)

సస్పెన్షన్‌కు ప్రతిపాదించబడిన ఎస్పీఎఫ్ సిబ్బంది (6 మంది):

సి. రమణయ్య (ASI: 1101, ఇన్‌ఛార్జ్)
బి. నీలబాబు (CT: 3595)
డి.ఎస్.కె. ప్రసన్న (CT: 3602)
చ. సత్యనారాయణ (ASI: 696)
పోలి నాయుడు (CT: 3516)
ఎస్. శ్రీకాంత్

ఈ ఘటన అనంతరం టీటీడీ భద్రతా వ్యవస్థలో మరింత కఠినతరం చర్యలు తీసుకోవాలని భావిస్తోంది. భక్తుల భద్రతకు ఏమాత్రం విఘాతం కలగకుండా చూడడమే వారి ప్రధాన లక్ష్యంగా ఉంది.