కొత్తగూడెం కోర్టులో తెలంగాణ ఆవిర్భావ దినోత్సవాన్ని ఘనంగా నిర్వహించారు

తెలంగాణ ఆవిర్భావ దినోత్సవాన్ని పురస్కరించుకొని కొత్తగూడెం కోర్టు ప్రాంగణంలో జూన్ 2న జాతీయ జెండా ఎగురవేసి ఆవిర్భావ దినోత్సవ కార్యక్రమం ఘనంగా నిర్వహించారు. ఈ సందర్భంగా కోర్టు ప్రాంగణంలో మువ్వన్నెల జాతీయ పతాకాన్ని ఇన్చార్జి ప్రిన్సిపల్ డిస్ట్రిక్ట్ జడ్జి ఎస్. సరిత  ఎగురవేశారు. అనంతరం జాతీయ గీతాన్ని అందరూ కలసి ఆలపించారు.

ఈ కార్యక్రమంలో ప్రిన్సిపల్ సీనియర్ సివిల్ జడ్జి కె. కిరణ్ కుమార్, జూనియర్ సివిల్ జడ్జి బి. రవికుమార్, స్పెషల్ జ్యూడిషియల్ సెకండ్ క్లాస్ మెజిస్ట్రేట్ మం. రాజమల్లు, బార్ అసోసియేషన్ అధ్యక్షుడు లక్కినేని సత్యనారాయణ, ఉపాధ్యక్షుడు జె. గోపికృష్ణ, పబ్లిక్ ప్రాసిక్యూటర్ పివిడి లక్ష్మి, స్పెషల్ పీపీ నె. నాగిరెడ్డి, న్యాయవాదులు, న్యాయశాఖ సిబ్బంది, పోలీసు అధికారులు తదితరులు పాల్గొన్నారు.

ఈ సందర్భంగా జడ్జి ఎస్. సరిత మాట్లాడుతూ, తెలంగాణ రాష్ట్ర ఆవిర్భావం వెనుక ఉన్న త్యాగాలను గుర్తు చేశారు. ఎన్నో సంవత్సరాల పాటు సాగిన ఉద్యమం, వేలాది మంది ప్రజల త్యాగఫలంగా తెలంగాణ రాష్ట్రం ఏర్పడిందని, ఆ ఉద్యమకారుల ఆశయాలను నెరవేర్చే దిశగా రాష్ట్రం ముందుకు సాగాలని ఆకాంక్షించారు. న్యాయవ్యవస్థ రాష్ట్ర అభివృద్ధిలో కీలకపాత్ర పోషిస్తోందని ఆమె పేర్కొన్నారు.

అన్ని రంగాల్లో తెలంగాణ రాష్ట్రం వేగంగా అభివృద్ధి చెందాలని, ప్రజల హక్కులు రక్షించే బాధ్యతను న్యాయవస్థ ముందుండి నెరవేర్చుతుందని ఆమె అన్నారు. కార్యక్రమం సంతకోత్సాహంగా ముగిసింది.