హైదరాబాద్‌లో ఘోర అగ్నిప్రమాదం – 17 మంది దుర్మరణం
హైదరాబాద్, : నగరంలోని చార్మినార్ పరిసరాల్లో ఘోర విషాదం చోటుచేసుకుంది. చార్మినార్‌కు సమీపంలోని గుల్జార్ హౌస్‌లో ఆదివారం తెల్లవారుజామున జరిగిన భారీ అగ్ని ప్రమాదంలో తొమ్మిది మంది ప్రాణాలు కోల్పోయారు. మృతుల్లో ముగ్గురు మహిళలు, ఇద్దరు చిన్నారులు ఉన్నారు. మరో ఇద్దరి పరిస్థితి అత్యంత విషమంగా ఉన్నట్లు వైద్యులు తెలిపారు.
ఈ దుర్ఘటన ఉదయం సుమారు 6 గంటల సమయంలో చోటు చేసుకుంది. గుల్జార్ హౌస్‌ ప్రాంతంలోని ఓ మల్టీ-స్టోరీడ్ కమర్షియల్ కాంప్లెక్స్‌లో అకస్మాత్తుగా మంటలు చెలరేగాయి. మంటలు వేగంగా వ్యాపించడంతో లోపల ఉన్న పలువురు చిక్కుకుపోయారు. సమాచారం అందుకున్న వెంటనే స్థానికులు ఫైర్‌ సిబ్బందికి సమాచారం ఇచ్చారు.
దీంతో అగ్నిమాపక శాఖ స్పందించి పదకొండు అగ్నిమాపక యంత్రాలతో సంఘటనా స్థలానికి చేరుకొని మంటలను అదుపులోకి తెచ్చే ప్రయత్నం చేశారు. అయితే అప్పటికే ముగ్గురు వ్యక్తులు ఘటనాస్థలంలోనే ప్రాణాలు కోల్పోగా, మరో ఆరుగురు ఆస్పత్రిలో చికిత్స పొందుతూ మరణించారు.
తీవ్రంగా గాయపడిన పలువురిని ఉస్మానియా, డీఆర్డీవో, హైదర్‌గూడా ఆసుపత్రులకు తరలించి చికిత్స అందిస్తున్నారు. మృతులందరి వివరాలు ఇంకా అధికారికంగా వెల్లడించలేదు. బాధిత కుటుంబాల్లో తీవ్ర విషాదం నెలకొంది.
అగ్నిప్రమాదానికి ఖచ్చితమైన కారణం ఇప్పటివరకు నిర్ధారించబడలేదని, ఘటనపై పూర్తి స్థాయిలో దర్యాప్తు చేస్తున్నామని అగ్నిమాపక శాఖ అధికారులు తెలిపారు. విద్యుత్ షార్ట్ సర్క్యూట్ కారణంగా మంటలు చెలరేగి ఉండవచ్చనే అనుమానాలు వ్యక్తమవుతున్నాయి.
ఈ ఘటనపై అధికారులు మరిన్ని వివరాలు అందించాల్సి ఉంది. ఘటనాస్థలిని పరిశీలించిన అనంతరం పూర్తి సమాచారం ఇవ్వనున్నట్లు చెప్పారు. ఈ హృదయవిదారక ఘటనతో నగరవాసులు తీవ్ర దిగ్భ్రాంతికి గురవుతున్నారు.
Post a Comment