కొత్తగూడెం ఏరియాలో కార్మికుల సమస్యల పరిష్కారానికి హెచ్‌ఎంఎస్ వినతి

కొత్తగూడెం ఏరియాలో పనిచేస్తున్న కార్మికుల సమస్యలను పరిష్కరించాలంటూ హిందు మజ్దూర్ సభ (హెచ్‌ఎంఎస్) ఆధ్వర్యంలో అధికారులు వినతిపత్రాన్ని అందుకున్నారు. ఈ సందర్భంగా హెచ్‌ఎంఎస్ నాయకులు తమ డిమాండ్లను అధికారులు ముందుంచారు. ప్రధానంగా కార్మికుల వృత్తి భద్రత, ప్రయాణ సౌలభ్యం, పారితోషికాలు, భవిష్యత్‌ అవకాశాలపై తమ సమస్యలను వివరించారు.

వినతిపత్రంలో పేర్కొన్న ముఖ్యాంశాలు ఇలా ఉన్నాయి:

1. డెసిగ్నేషన్ల ఆధారంగా ఖాళీల భర్తీ:
   కొత్తగూడెం ఏరియాలో పనిచేస్తున్న అన్ని రకాల కార్మికుల కోసం సర్ఫేస్ కౌన్సిలింగ్ ద్వారా సర్ఫేస్ మైనింగ్ విభాగాల్లో ఉన్న ఖాళీలను భర్తీ చేయాలని డిమాండ్ చేశారు.

2. డిప్యూటేషన్ కార్మికులకు స్థిరీకరణ:
   పలు సంవత్సరాలుగా డిప్యూటేషన్ పై పనిచేస్తున్న కార్మికులకు, ప్రస్తుతం పనిచేస్తున్న స్థానాలకే యాక్టింగ్ ఆధారంగా డెసిగ్నేషన్ కల్పించి పర్మినెంట్ చేయాలని కోరారు.

3. దూర ప్రాంతాల నుంచి వచ్చే కార్మికులకు ప్రయాణ భత్యం (TADA):
   రోజు సుమారు 120 కిలోమీటర్ల ప్రయాణం చేసే కార్మికులకు టీఏడీఏ లను కల్పించాల్సిన అవసరం ఉందన్నారు.

4. రవాణా సౌకర్యం:
   కార్మికుల సౌలభ్యం కోసం రవాణా సౌకర్యాన్ని కల్పించాలని కోరారు.

5. ఉత్పత్తిలో ప్రముఖ పాత్ర వహించిన కార్మికులకు గిఫ్ట్‌లు:
   డిప్యూటేషన్ మరియు రెగ్యులర్ కార్మికులందరికీ పారితోషికంగా బహుమతులు అందించాలని డిమాండ్ చేశారు.

6. సెటిలింగ్ అలవెన్స్:
   33 కిలోమీటర్ల దూరాన్ని దాటి డ్యూటీకి వచ్చే వారందరికీ చట్ట ప్రకారం సెటిలింగ్ అలవెన్స్ అందించాలని స్పష్టం చేశారు.

7. సింగరేణి స్కూల్స్‌ను సీబీఎస్సీగా మార్చాలి:
   కొత్తగూడెం ఏరియాలోని సింగరేణి పాఠశాలలను సీబీఎస్సీ విధానంలోకి మార్చి, 100% కార్మికుల పిల్లలకు సీట్లు కేటాయించాలని డిమాండ్ చేశారు.

8. సత్తుపల్లికి అప్ అండ్ డౌన్ చేసే కార్మికులకు ప్రత్యేక అలవెన్స్:
   రోజూ సత్తుపల్లి ప్రయాణించే కార్మికుల కోసం ప్రత్యేక అలవెన్స్ మంజూరు చేయాలని కోరారు.

9. హెచ్‌ఆర్ఏ మంజూరు:
   కంపెనీ క్వార్టర్లు లేని కార్మికులకు హెచ్‌ఆర్ఏ మంజూరు చేయకుండా ఆలస్యం చేయడం సరికాదని, వెంటనే అందించాలన్నారు.

10. ఓడీ మాస్టర్ అలవెన్స్:
    ఇతర ఏరియాల నుంచి ట్రాన్స్ఫర్ అయిన కార్మికులకు “రిక్వెస్ట్ ట్రాన్స్ఫర్” పేరిట సెటిలింగ్ అలవెన్స్ లేదా ఓడీ మాస్టర్ మంజూరు చేయకపోవడం అన్యాయమని పేర్కొన్నారు. వెంటనే అందరికీ ఈ అలవెన్స్ ఇవ్వాలని అన్నారు.

11. SNPC ఖాళీల భర్తీ:
    ఖాళీగా ఉన్న ఎస్‌ఎన్‌పీసీ పోస్టులను వెంటనే భర్తీ చేయాలని కోరారు.

12. సత్తుపల్లి మున్సిపాలిటీ పరిధిలో హెచ్‌ఆర్ఏ:
    డిప్యూటేషన్ పై ఉన్న కార్మికులకు కనీసం 9% హెచ్‌ఆర్ఏ కల్పించాలన్నారు.

13. క్వార్టర్ కేటాయింపు విధానంలో సవరణ:
    డెసిగ్నేషన్ లేదా గ్రేడు క్యాటగిరి తో సంబంధం లేకుండా ఖాళీగా ఉన్న క్వార్టర్ కావాలన్న అభ్యర్థన మేరకు అందరికీ కేటాయింపు చేయాలని సూచించారు.

ఈ వినతిపత్రాన్ని జిఎం గారి దృష్టికి తీసుకెళ్లగా, ఆయన సానుకూలంగా స్పందిస్తూ, వీలైనంత త్వరలో ఈ సమస్యలను పరిష్కరించేందుకు చర్యలు తీసుకుంటానని హామీ ఇచ్చారు. ఈ కార్యక్రమంలో హెచ్‌ఎంఎస్ ఏరియా నాయకులు, కార్యకర్తలు, అనేకమంది అభిమానులు పాల్గొన్నారు.