తెలంగాణలో 26 మంది ఐపీఎస్ అధికారుల బదిలీ.. వరంగల్ సీపీగా శ్వేత

 

తెలంగాణలో 26 మంది ఐపీఎస్ అధికారుల బదిలీ.. వరంగల్ సీపీగా శ్వేత

హైదరాబాద్: తెలంగాణ ప్రభుత్వం రాష్ట్ర పోలీసు శాఖలో కీలక పరిపాలనా మార్పులు చేపట్టింది. మొత్తం 26 మంది ఐపీఎస్ అధికారులను బదిలీ చేస్తూ ఉత్తర్వులు జారీ చేసింది. ఈ బదిలీల్లో పలువురు అధికారులకు కొత్త బాధ్యతలు అప్పగించగా, కీలక విభాగాల్లోనూ మార్పులు చోటుచేసుకున్నాయి.

ప్రధాన నియామకాలు ఇవీ..

• వరంగల్ పోలీస్ కమిషనర్‌గా శ్వేత నియామకం.
• కౌంటర్ ఇంటెలిజెన్స్ సెల్ ఎస్పీగా సింధుశర్మ.
• సీఐడీ ఎస్పీగా చెన్నూరి రూపేష్.
• వికారాబాద్ అడ్మినిస్ట్రేటివ్ ఎస్పీగా రాజేష్ మీరా.
• సైబరాబాద్ జాయింట్ ట్రాఫిక్ సీపీగా సన్‌ప్రీత్ సింగ్.
• సికింద్రాబాద్ రైల్వే ఎస్పీగా వై. సాయిశేఖర్.
• సీఐడీలో ఎస్పీలుగా చెన్నూరి రూపేష్, ప్రవీణ్ కుమార్.
• గోల్కొండ జోన్ డీసీపీగా రాఘవేందర్ రెడ్డి.
• ఏసీబీ జాయింట్ డైరెక్టర్‌గా చంద్రమోహన్.
• ఇంటెలిజెన్స్ ఎస్పీగా రామ్ రెడ్డి.
• హైడ్రా అదనపు కమిషనర్‌గా ఆనంద్ కుమార్.
• ఇంటెలిజెన్స్ ఎస్పీగా ఇక్బాల్ సిద్దిఖీ.

ఈ బదిలీలతో రాష్ట్ర పోలీసు శాఖలో కీలక పోస్టుల్లో కొత్త అధికారులు బాధ్యతలు చేపట్టనున్నారు. పరిపాలనా అవసరాల దృష్ట్యా ప్రభుత్వం ఈ మార్పులు చేపట్టినట్లు అధికార వర్గాలు వెల్లడించాయి.