కుర్వపల్లి సమీపంలో రోడ్డు ప్రమాదం.. బైకును ఢీకొట్టిన కారు

 

కుర్వపల్లి సమీపంలో రోడ్డు ప్రమాదం.. బైకును ఢీకొట్టిన కారు

రెండు వాహనాలు ధ్వంసం.. తృటిలో తప్పిన ప్రాణాపాయం

జోగులాంబ గద్వాల: జిల్లాలోని కుర్వపల్లి గ్రామ సమీపంలో రోడ్డు ప్రమాదం చోటుచేసుకుంది. అదుపుతప్పి వేగంగా వచ్చిన ఓ కారు రోడ్డు పక్కన నిలిపి ఉంచిన ద్విచక్ర వాహనాన్ని బలంగా ఢీకొట్టింది. ఈ ప్రమాదంలో కారు, బైకు రెండూ తీవ్రంగా ధ్వంసమయ్యాయి.

స్థానికంగా తెలిసిన వివరాల ప్రకారం.. కుర్వపల్లి గ్రామ సమీపంలోని రహదారిపై కారు వెళ్తుండగా ఒక్కసారిగా అదుపుతప్పి పక్కనే నిలిపి ఉంచిన బైకును ఢీకొట్టింది. కారు వేగంగా వచ్చి ఢీకొనడంతో బైకు పూర్తిగా దెబ్బతింది. కారుకు కూడా భారీగా నష్టం వాటిల్లింది.

అయితే ప్రమాదం జరిగిన సమయంలో బైకు వద్ద కానీ, ఘటనాస్థలిలో కానీ ఎవరూ లేకపోవడంతో పెద్ద ప్రమాదం తప్పింది. అదృష్టవశాత్తూ ఈ ఘటనలో ఎలాంటి ప్రాణనష్టం జరగలేదు. రెండు వాహనాలు ధ్వంసమైనప్పటికీ ఎవరికి గాయాలు కాకపోవడంతో స్థానికులు ఊపిరి పీల్చుకున్నారు. రోడ్డుపై వాహనాలు నడిపేటప్పుడు వేగ నియంత్రణతో పాటు అప్రమత్తంగా ఉండాలని స్థానికులు సూచిస్తున్నారు.