గ్రామీణ వైద్యుల సమస్యలు – శాశ్వత పరిష్కారం చేయాలి

గ్రామీణ వైద్యులు పట్టణాలు, మురికివాడలు, అటవీ ప్రాంతాలు, పల్లెల్లో ప్రజలకు ప్రాథమిక వైద్య సేవలు అందిస్తూ తమ జీవితాన్ని గడుపుతున్నారు. పేద ప్రజలకు సులభంగా వైద్యం అందుబాటులో ఉండేలా కాలినడకన వెళ్లి, అందుబాటులో ఉన్న స్వల్ప వనరులతో సేవలందించే వీరి పరిస్థితి దయనీయంగా మారింది.

2009లో ఉమ్మడి ఆంధ్రప్రదేశ్‌లో అప్పటి ముఖ్యమంత్రి వై.ఎస్. రాజశేఖర్ రెడ్డి గారు గ్రామీణ వైద్యుల భద్రత కోసం జీవో నెంబర్ 429 జారీ చేశారు. ఇందులో కమ్యూనిటీ పారామెడికల్ ఆర్‌ఎంపీ, పీఎంపీల కోసం ప్రత్యేకంగా ట్రైనింగ్ క్లాసులు ఏర్పాటు చేసినప్పటికీ, మధ్యలో అవి నిలిచిపోయాయి. దీంతో, వేలాది గ్రామీణ వైద్యులు అనిశ్చితి మధ్య జీవనం సాగిస్తున్నారు.

గతంలో చంద్రబాబు నాయుడు గారు 465 జీవో ద్వారా గ్రామీణ వైద్యుల కొరకు కొన్ని చర్యలు తీసుకున్నప్పటికీ, శాశ్వత పరిష్కారం మాత్రం కనిపించలేదు. గ్రామీణ వైద్యుల వృత్తికి భద్రత లేనందున, చాలామంది ఆకలి కష్టాలు అనుభవిస్తూ, అప్పుల ఊబిలో కూరుకుపోతున్నారు. కొంతమంది కూలీ పనులకు వెళ్లి జీవనం సాగిస్తుండగా, మరికొందరు అధికారుల బెదిరింపులు, అడ్డంకులను ఎదుర్కొంటున్నారు.

ప్రధాన డిమాండ్లు:

1. ఆమెన్నీ జీవో అమలు – గ్రామీణ వైద్యుల సమస్యల పరిష్కారం కోసం ప్రభుత్వం ఇప్పటివరకు ఇచ్చిన హామీలను నిలబెట్టుకోవాలి.
2. ట్రైనింగ్ పునఃప్రారంభం – నిలిచిపోయిన ఆర్‌ఎంపీ, పీఎంపీ ట్రైనింగ్ ప్రోగ్రామ్‌ను వెంటనే ప్రారంభించాలి.
3. సాధికారత & ఉద్యోగ భద్రత – 104, 108 సేవల్లో గ్రామీణ వైద్యులకు అవకాశాలు కల్పించాలి.
4. ఆర్థిక మద్దతు – ఉచిత ఇళ్ల పంపిణీ, ముద్రా లోన్ల వంటి ఆర్థిక సాయం అందించాలి.
5. చట్టపరమైన రక్షణ – వృత్తి భద్రత కోసం స్పష్టమైన విధానాలను రూపొందించి అమలు చేయాలి.

ప్రస్తుతం రాష్ట్ర ప్రభుత్వం గ్రామీణ వైద్యుల సమస్యలను పరిష్కరించేందుకు తగిన చర్యలు తీసుకోవాలని, హామీ ఇచ్చిన న్యాయాన్ని అమలు చేయాలని గ్రామీణ వైద్యుల సంఘం తరఫున కోరుతున్నారు. తగిన పరిరక్షణ లేకుండా వీరు వృత్తిని కొనసాగించలేరని, ప్రభుత్వం ఎలాంటి నిర్ణయం తీసుకుంటుందో చూడాల్సిన అవసరం ఉంది.