గుల్జార్ హౌస్ అగ్నిప్రమాదంపై ఆరుగురు ఉన్నతాధికారులతో విచారణ కమిటీ

చార్మినార్ పరిసర ప్రాంతాల్లోని గుల్జార్ హౌస్‌లో ఈ నెల 18న చోటుచేసుకున్న అగ్నిప్రమాద ఘటనపై ప్రభుత్వం స్పందించింది. ఈ దుర్ఘటనపై సమగ్ర విచారణ చేపట్టేందుకు ఆరుగురు ఉన్నతాధికారులతో ప్రత్యేక కమిటీని ఏర్పాటు చేసినట్లు హైదరాబాద్ ఇంచార్జి మంత్రి పొన్నం ప్రభాకర్ ప్రకటించారు.

ఈ కమిటీలో జీహెచ్ఎంసీ కమిషనర్ ఆర్వీ కర్ణన్, హైదరాబాద్ జిల్లా కలెక్టర్ అనుదీప్ దురశెట్టి, హైదరాబాద్ పోలీస్ కమిషనర్ సీవీ ఆనంద్, అగ్నిమాపక విభాగం డైరెక్టర్ జనరల్ నాగిరెడ్డి, హైడ్రా వాటర్ వర్క్స్ కమిషనర్ రంగనాథ్, తెలంగాణ స్టేట్ సదన్ పవర్ డిస్ట్రిబ్యూషన్ కార్పొరేషన్ లిమిటెడ్ (TSSPDCL) సీఎండీ ముషారఫ్‌లు సభ్యులుగా ఉన్నారు.

ఈ కమిటీ అగ్నిప్రమాదానికి కారణాలపై లోతైన విచారణ జరిపి, భవిష్యత్తులో ఇలాంటి ప్రమాదాలు మరొకసారి చోటుచేసుకోకుండా ఉండేందుకు తగిన సూచనలు, ప్రతిపాదనలు ఇవ్వనుంది. కమిటీ నివేదిక సిద్ధమైన అనంతరం, ముఖ్యమంత్రి, ఉపముఖ్యమంత్రి, ఇతర ఉన్నతాధికారుల సమక్షంలో సమీక్ష సమావేశం నిర్వహించనున్నారు.

ప్రభుత్వం ప్రజల భద్రతకు అధిక ప్రాధాన్యతనిస్తూ, ఈ ఘటనను పాఠంగా తీసుకొని సమగ్ర చర్యలు చేపట్టనున్నట్లు మంత్రి స్పష్టం చేశారు.