రేపటి నుంచి దేశవ్యాప్తంగా మాక్ డ్రిల్స్ – కేంద్రం కీలక చర్య

భారత్‌లో పహల్‌గామ్ ఉగ్రదాడి అనంతరం భద్రతా చర్యల భాగంగా, కేంద్ర హోం వ్యవహారాల మంత్రిత్వ శాఖ మే 7న దేశవ్యాప్తంగా విస్తృత స్థాయిలో మాక్ డ్రిల్స్ నిర్వహించనున్నట్లు ప్రకటించింది.

ఈ డ్రిల్స్ 259 ప్రాంతాల్లో అమలు చేయబోతున్నట్లు సమాచారం. 50 ఏళ్ల విరామం తర్వాత తిరిగి ప్రారంభమవుతున్న ఈ విన్యాసాలు, పౌరులకు అత్యవసర పరిస్థితుల్లో తీసుకోవాల్సిన భద్రతా చర్యలపై అవగాహన పెంపొందించేందుకు కీలకంగా మారనున్నాయి.

గతంలో కార్గిల్ యుద్ధ సమయంలో సరిహద్దు రాష్ట్రాలకే పరిమితమైన ఈ డ్రిల్స్, ఈసారి దేశవ్యాప్తంగా ప్రముఖ మరియు వ్యూహాత్మక ప్రదేశాల్లో నిర్వహించబడనున్నాయి.

మాక్ డ్రిల్స్‌లో నిర్వహించబోయే అంశాలు:

• ఎయిర్ రైడ్ సైరన్లు వినిపించడం
• బ్లాకౌట్ (విద్యుత్ నిలిపివేత) ప్రాక్టీస్
• అత్యవసర తరలింపు ప్రణాళికల పరీక్ష

ఈ చర్యలు దేశ భద్రతా వ్యూహంలో భాగంగా పౌరులకు ప్రాథమిక రక్షణ చర్యలపై అవగాహన కల్పించేందుకు ఉద్దేశించబడినవి.