కన్న కూతురిపై లైంగిక వేధింపులు: తండ్రిపై పోక్సో కేసు నమోదు

జనగామ జిల్లా, దేవరుప్పుల మండలం: మనుషులుగా మాకు తలదించుకునేలా చేసే దారుణ ఘటన దేవరుప్పుల మండలంలో చోటు చేసుకుంది. ఓ మైనర్ బాలికపై ఆమె కన్న తండ్రే లైంగిక వేధింపులకు పాల్పడ్డాడు. బాధిత బాలిక స్థానిక గ్రామానికి చెందినదిగా పోలీసులు తెలిపారు.

ఈ హేయక్రుత్యాన్ని ఆ బాలిక మొదటగా తల్లి దృష్టికి తీసుకువచ్చినప్పటికీ ఆమె నుంచి ఎలాంటి స్పందన రాలేదు. అనంతరం మళ్లీ తండ్రి వేధించడంతో బాలిక తన పెద్దమ్మకు ఈ విషయాన్ని తెలిపింది. ఆమె స్పందనతో ధైర్యం పొందిన బాలిక, పెద్దమ్మ సహకారంతో పోలీసులకు ఫిర్యాదు చేసింది.

దీనిపై దేవరుప్పుల ఎస్సై ఊర సృజన్ కుమార్ మీడియాకు మాట్లాడుతూ – "బాలిక ఇచ్చిన ఫిర్యాదుతో ఆమె తండ్రిపై పోక్సో చట్టం కింద కేసు నమోదు చేసి దర్యాప్తు ప్రారంభించాం" అని తెలిపారు. అలాగే బాధిత బాలికను బాలల సంరక్షణ అధికారుల సంరక్షణలోకి అప్పగించినట్లు వెల్లడించారు.

ఈ ఘటనపై సమాజం తీవ్ర ఆవేదన వ్యక్తం చేస్తోంది. కన్న తండ్రి వంటి భద్రత కలిగించే వ్యక్తి నుంచే ఇలా అనుచితంగా ప్రవర్తించడం పట్ల ప్రజలు ఆగ్రహం వ్యక్తం చేస్తున్నారు.