ఢిల్లీలో పర్యటిస్తున్న తెలంగాణ సీఎం–ల డబుల్ డిప్లమసీ!

హైదరాబాద్: డిసెంబర్ 03: తెలంగాణ రాష్ట్ర ముఖ్యమంత్రి ఎ. రేవంత్ రెడ్డి, ఉప ముఖ్యమంత్రి భట్టి విక్రమార్క ఢిల్లీ పర్యటనలో తలమునకలై ఉన్నారు. రాష్ట్ర భవిష్యత్‌ అభివృద్ధికి కీలకంగా భావిస్తున్న తెలంగాణ ఫ్యూచర్ సిటీ గ్లోబల్ సమ్మిట్ (డిసెంబర్ 8, 9) కు జాతీయ, అంతర్జాతీయ నాయకులను ఆహ్వానించేందుకు నిన్న రాత్రి ఢిల్లీ చేరుకున్న వారు, వరుస సమావేశాలతో బిజీగా కొనసాగుతున్నారు.

➡️ ఈరోజు ఉదయం ప్రధాని మోదీతో భేటీ

ఈరోజు ఉదయం 11 గంటలకు నూతన పార్లమెంట్ ప్రాంగణంలో ముఖ్యమంత్రి రేవంత్ రెడ్డి, ఉప ముఖ్యమంత్రి భట్టి విక్రమార్క ప్రధానమంత్రి నరేంద్ర మోదీతో భేటీ కానున్నారు.

ఈ సమావేశంలో—

గ్లోబల్ సమ్మిట్ లక్ష్యాలు
తెలంగాణను పెట్టుబడుల గమ్యస్థానంగా తీర్చిదిద్దే ప్రణాళికలు
సమ్మిట్ ప్రాముఖ్యత

వివరాలు ప్రధానమంత్రికి అందజేయనున్నారు. PM మోదీ సమ్మిట్‌కు హాజరుకావాలని సీఎం రేవంత్ అధికారికంగా ఆహ్వానించనున్నారు.

➡️ కాంగ్రెస్ కీలక నేతలతో కూడా వరుస భేటీలు

నిన్న రాత్రి సీఎం రేవంత్ ఢిల్లీలో కాంగ్రెస్ అధ్యక్షుడు మల్లికార్జున ఖర్గేను కలిసి, సమ్మిట్‌కు సంబంధించిన అధికారిక ఆహ్వాన పత్రాన్ని అందజేశారు.

తద్వారా:

తెలంగాణ అభివృద్ధి అజెండా
గ్లోబల్ సమ్మిట్ టార్గెట్లు
అంతర్జాతీయ పెట్టుబడులపై రాష్ట్ర దృష్టి వివరించినట్లు సమాచారం.

➡️ రాహుల్ గాంధీతో భేటీ

సీఎం రేవంత్ రెడ్డి, సమ్మిట్‌కు రాహుల్ గాంధీ హాజరుకావాలని వ్యక్తిగతంగా అభ్యర్థించేందుకు కూడా ప్రయత్నాలు చేస్తున్నారు. ఇక, ఇతర కేంద్ర మంత్రులు, కీలక పార్లమెంటరీ నేతలను కూడా ఆహ్వానించే ప్రక్రియ వేగంగా కొనసాగుతోంది.