20 వేలు లంచం తీసుకుంటూ ఏసీబికి చిక్కిన పురపాలక కమిషనర్

నిజామాబాద్ | ఆర్మూర్: నిజామాబాద్ జిల్లా ఆర్మూర్ పురపాలక కమిషనర్ ఎ. రాజు లంచం తీసుకుంటూ ACB అధికారులకు పట్టుబడ్డారు. ఫిర్యాదుదారుడు నూతనంగా నిర్మించిన బహుళ అంతస్థుల భవనానికి ఇంటి నంబర్ కేటాయించాలనే ఉద్దేశ్యంతో కమిషనర్ రూ.20,000 లంచం డిమాండ్ చేసినట్లు అధికారిక సమాచారం.

ఈ లంచం మొత్తాన్ని కమిషనర్ తరఫున అతని ప్రైవేట్ డ్రైవర్ భూమేష్ స్వీకరిస్తుండగా తెలంగాణ అవినీతి నిరోధక శాఖ (ACB) దాడి నిర్వహించి అతడిని అదుపులోకి తీసుకుంది.

సోదాల్లో అదనంగా రూ.4,30,000 నగదు

ACB దర్యాప్తులో భూమేష్ వద్ద లెక్కలు తెలపని రూ.4,30,000 నగదు కూడా లభ్యమైంది. నగదు మూలాలపై దర్యాప్తు కొనసాగుతోంది.

---

లంచం అడిగితే వెంటనే ఫిర్యాదు చేయండి – ACB సూచన

ప్రభుత్వ ఉద్యోగి ఎవరు అయినా లంచం అడిగిన పక్షంలో ప్రజలు వెంటనే తెలంగాణ అవినీతి నిరోధకశాఖను సంప్రదించాలని అధికారులు కోరుతున్నారు.

ACB సంప్రదింపు వివరాలు

• టోల్ ఫ్రీ నెంబర్: 1064
• వాట్సాప్: 9440446106
• ఫేస్‌బుక్: Telangana ACB
• ఎక్స్ (Twitter): @TelanganaACB
• వెబ్‌సైట్: acb.telangana.gov.in

“ఫిర్యాదుదారుల వివరాలు పూర్తిగా గోప్యంగా ఉంచబడతాయి” అని అవినీతి నిరోధకశాఖ స్పష్టం చేసింది.