వంట సరిగా చేయట్లేదని భార్యను పుట్టింట్లో వదిలేసిన భర్త… చివరకు దారుణం!

నవంబర్ 27, వికారాబాద్ జిల్లా పరిగి మండలం మల్లెమోనిగూడెం గ్రామానికి చెందిన శివలింగం–ధరూర్ మండలం గడ్డమీద గంగారం గ్రామానికి చెందిన **శిరీష (21)**‌ల వివాహం కొంతకాలం క్రితం జరిగింది. వివాహం జరిగిన రోజుల నుంచి తనకు భర్త శివలింగం వేధింపులు తాళలేకపోతున్నట్లు కుటుంబ సభ్యులకు శిరీష చెప్పినట్టు సమాచారం.

వంట సరిగా చేయడం లేదనే కారణంతో పాటు, తక్కువ చదువుకుందని కూడా శిరీషను తరచూ వేధించేవాడని బంధువులు ఆరోపిస్తున్నారు. దీంతో మనసికంగా కుంగిపోయిన శిరీషను భర్త పుట్టింట్లో వదిలేసినట్టు తెలిసింది.

ఇదే సమయంలో ప్రతిరోజు ఫోన్‌లో "నువ్వు నాకు అక్కర్లేదు… అక్కడే చావు" అని శిరీషను దూషించినట్లు కుటుంబ సభ్యులు చెబుతున్నారు. భర్త మాటలు, అవమానాలు భరించలేక మనస్తాపానికి గురైన శిరీష… చివరికి ఉరి వేసుకుని ఆత్మహత్యకు పాల్పడింది. ఈ ఘటనపై పోలీసులు కేసు నమోదు చేసి దర్యాప్తు ప్రారంభించారు. గ్రామంలో విషాదం అలుముకుంది.