వధూవరులను ఆశీర్వదించిన ముఖ్యమంత్రి రేవంత్ రెడ్డి దంపతులు

ఉప ముఖ్యమంత్రి భట్టి విక్రమార్క, నందిని విక్రమార్కల పెద్ద కుమారుడు సూర్య విక్రమాదిత్య – సాక్షిల వివాహ నిశ్చితార్థ వేడుక ప్రగతి భవన్‌లో అంగరంగ వైభవంగా జరిగింది.

ఈ కార్యక్రమానికి రాష్ట్ర ముఖ్యమంత్రి రేవంత్ రెడ్డి – గీతా రెడ్డి దంపతులు హాజరై వధూవరులను ఆశీర్వదించారు. అలాగే గవర్నర్ జిష్ణు దేవ్ వర్మ, మెగాస్టార్ చిరంజీవి, శాసనసభ స్పీకర్ గడ్డం ప్రసాద్ కుమార్, నటుడు బ్రహ్మానందం, ప్రముఖ పారిశ్రామికవేత్త టీ. సుబ్బరామిరెడ్డి తదితర ప్రముఖులు పాల్గొన్నారు.

రాష్ట్ర మంత్రులు కోమటిరెడ్డి వెంకట్ రెడ్డి, వాకిటి శ్రీహరి, శ్రీధర్ బాబు, ఉత్తమ్ కుమార్ రెడ్డి, పొన్నం ప్రభాకర్, మొహమ్మద్ అజరుద్దీన్, పొంగులేటి శ్రీనివాస రెడ్డి, అడ్లూరి లక్ష్మణ్ కుమార్, సీతక్క, కొండా సురేఖ తదితరులు కూడా వేడుకకు హాజరై వధూవరులను ఆశీర్వదించారు.

దేశంలో ప్రముఖ మీడియా సంస్థల అధినేతలు కూడా ఈ వేడుకకు హాజరయ్యారు. ఎన్టీవీ చైర్మన్ నరేంద్ర చౌదరి, ఏబీఎన్ సీఎండీ వేమూరి రాధాకృష్ణ, ఈనాడు సంస్థల చైర్మన్ కిరణ్, టీవీ9 మేనేజింగ్ ఎడిటర్ రజనీ కాంత్, సీఎల్ రాజం తదితరులు కార్యక్రమాన్ని శోభాయమానంగా మార్చారు.

అలాగే ప్రముఖ నేతలు గీతా రెడ్డి, మధు యాష్కి గౌడ్, పోచారం శ్రీనివాస రెడ్డి, కల్వకుంట్ల కవిత, జగదీష్ రెడ్డి, రాజ్యసభ సభ్యుడు వద్దిరాజు రవి చంద్ర తదితరులు హాజరై శుభాకాంక్షలు తెలియజేశారు.

వివిధ కార్పొరేషన్ చైర్మన్లు, ఉన్నతాధికారులు, అనేక మంది ముఖ్య అతిథులు సమక్షంలో ఈ నిశ్చితార్థ వేడుక ఘనంగా జరిగింది. కార్యక్రమానికి ప్రత్యేక ఆకర్షణగా ముఖ్యమంత్రి దంపతులు ప్రారంభం నుంచే పాల్గొని, అతిథులతో ఆత్మీయంగా మాట్లాడటం, వారితో కలిసి భోజనం చేయడం విశేషంగా నిలిచింది.