రాష్ట్ర ప్రభుత్వ ఉద్యోగులకు శుభవార్త పెండింగ్ బిల్లుల క్లియరెన్స్‌కు ప్రభుత్వం ₹707.30 కోట్లు విడుదల

హైదరాబాద్, నవంబర్: రాష్ట్ర ప్రభుత్వ ఉద్యోగులకు పెద్ద ఊరట లభించింది. పెండింగ్‌లో ఉన్న వివిధ ఉద్యోగుల బిల్లుల గడులు తీర్చివేయడానికి ప్రభుత్వం మరోసారి భారీగా నిధులను విడుదల చేసింది. ఉప ముఖ్యమంత్రి భట్టి మల్లు విక్రమార్క సూచనల మేరకు ఆర్థిక శాఖ ₹707.30 కోట్లు విడుదల చేసినట్లు అధికార వర్గాలు వెల్లడించాయి.

🔹 ఉద్యోగ సంఘాలకు ఇచ్చిన హామీ అమలు

ఉద్యోగుల సమస్యల పరిష్కారానికి ఇచ్చిన హామీలో భాగంగా ప్రభుత్వం ప్రతి నెలా రూ.700 కోట్లకు పైగా విడుదల చేస్తోంది. ఇదే క్రమంలో నవంబర్ నెలకు సంబంధించిన బిల్లుల కోసం తాజా విడతగా ₹707.30 కోట్లు మంజూరు చేశారు.

🔹 వరుసగా నాలుగు నెలల బకాయిల క్లియరెన్స్

ప్రజా ప్రభుత్వం బాధ్యతగా వ్యవహరిస్తూ వరుసగా నాలుగు నెలలుగా పెండింగ్ బిల్లులను క్లియర్ చేస్తోంది. తాజా విడతతో కలిసి గ్రాట్యుటీ, జీపీఎఫ్, సరెండర్ లీవ్, వివిధ అడ్వాన్స్‌లు వంటి వేలాది మంది ఉద్యోగుల బకాయిలు చెల్లింపుకయ్యాయి.