బీఆర్ఎస్ సర్పంచ్ అభ్యర్థిగా వజ్ర బిక్షపతి ఏకగ్రీవ ఎంపిక

 

రేగొండ టౌన్ సర్పంచ్‌గా బీఆర్ఎస్ తరపున కొలెపాక వజ్ర బిక్షపతిని ఏకగ్రీవంగా ఎంపిక చేశారు. గ్రామ పార్టీ కార్యాలయంలో జరిగిన సమావేశంలో ముఖ్య కార్యకర్తలు, స్థానిక నాయకులు సమిష్టిగా నిర్ణయం తీసుకున్నారు.

ఆరోగ్య శాఖలో అవుట్‌సోర్సింగ్ ఉద్యోగిగా 25 సంవత్సరాలుగా సేవలందించిన విద్యావంతురాలైన వజ్ర ప్రజలకు మెరుగైన సేవలు అందించగలరనే నమ్మకంతో ఈ నిర్ణయం తీసుకున్నట్టు బీఆర్ఎస్ నాయకులు తెలిపారు.

సామాజిక సేవపై దృష్టిపెట్టి, ప్రజల కోసం పనిచేయాలనే ఉద్దేశంతో గత ఆరు నెలల క్రితమే తన ఉద్యోగానికి రాజీనామా చేసినట్టు వజ్ర తెలిపారు. రాబోయే ఎన్నికల్లో రేగొండ టౌన్‌లో బీఆర్ఎస్ జెండా ఎగురవేస్తామని ఆమె విశ్వాసం వ్యక్తం చేశారు.

సర్పంచ్ అభ్యర్థిగా ఏకగ్రీవంగా ఎంపిక చేసినందుకు మాజీ ఎమ్మెల్యే గండ్ర వెంకటరమణారెడ్డి, స్థానిక నాయకులు, కార్యకర్తలకు ప్రత్యేక కృతజ్ఞతలు తెలుపుతూ ప్రజల నమ్మకాన్ని నిలబెట్టుకొనేందుకు కృషి చేస్తానని ఆమె హామీ ఇచ్చారు.