రోడ్డు ప్రమాదంలో యువ నటుడు అమన్ జైస్వాల్ మృతి
సినీ పరిశ్రమలో మరో విషాదకర సంఘటన చోటుచేసుకుంది. శుక్రవారం రాత్రి జరిగిన రోడ్డు ప్రమాదంలో హిందీ టీవీ సీరియల్స్ నటుడు అమన్ జైస్వాల్ (23) ప్రాణాలు కోల్పోయాడు.
ఈ దుర్ఘటనకు సంబంధించిన వివరాలను రచయిత ధీరజ్ మిశ్రా వెల్లడించారు. ముంబైలోని జోగేశ్వరి హైవేపై అమన్ ప్రయాణిస్తున్న బైక్ను ట్రక్కు ఢీకొట్టడంతో అతను అక్కడిక్కడే ప్రాణాలు విడిచాడు. అమన్ ఓ సీరియల్ ఆడిషన్ ముగించుకుని తిరిగి వస్తుండగా ఈ ప్రమాదం జరిగింది.
సీరియల్స్ ద్వారా గుర్తింపు:
ఉత్తరప్రదేశ్లోని బల్లియా ప్రాంతానికి చెందిన అమన్ జైస్వాల్, ‘ధర్తిపుత్ర నందిని’ సీరియల్ ద్వారా గుర్తింపు పొందాడు. ఈ సీరియల్లో ఆకాష్ భరద్వాజ్ పాత్రలో నటించి మంచి పేరు తెచ్చుకున్నాడు. అలాగే సోనీ టీవీ ‘పుణ్యశ్లోక్ అహల్యాబాయి’ సీరియల్లో యశ్వంత్ రావ్ ఫాన్సే పాత్ర పోషించాడు.
నటుడి ప్రవాస జీవితం:
మోడల్గా కెరీర్ను ప్రారంభించిన అమన్, బైక్ రైడింగ్ను ఎంతో ఇష్టపడేవాడు. ఇన్స్టాగ్రామ్లో బైక్ రైడింగ్ వీడియోలు పంచుకుంటూ తన అభిమానులతో చేరుకున్నాడు. అమన్ తన ప్రతిభతో నటన కాకుండా సంగీతంలో కూడా పేరు సంపాదించాడు.
అమన్ ఆకస్మిక మరణం సినీ పరిశ్రమలో పెద్ద విషాదంగా మారింది. అభిమానులు, సన్నిహితులు, సహనటులు తీవ్ర దిగ్భ్రాంతికి గురవుతున్నారు.
Post a Comment