ట్రాఫిక్ చలాన్లపై 100% డిస్కౌంట్! డిసెంబర్ 13 లోక్ అదాలత్‌లో చెల్లించుకునే అవకాశం

హైదరాబాద్, డిసెంబర్ 03: వాహనంపై పెండింగ్‌లో ఉన్న ట్రాఫిక్ చలాన్లు మిమ్మల్ని ఇబ్బంది పెడుతున్నాయా? రాయితీ కోసం ఎదురుచూస్తున్నారా? అయితే మీ కోసం భారీ శుభవార్త. దేశవ్యాప్తంగా డిసెంబర్ 13న జరగబోయే లోక్ అదాలత్‌లో ట్రాఫిక్ చలాన్లపై 50% నుంచి 100% వరకు డిస్కౌంట్ లభించనున్నట్లు అధికారులు వెల్లడించారు.

ఈ లోక్ అదాలత్ ద్వారా పెండింగ్‌లో ఉన్న పాత ఈ-చలాన్లను ఒక్కరోజులోనే సెటిల్ చేసుకోవచ్చు. చలాన్ చెల్లించిన వెంటనే ఆ కేసు పూర్తిగా క్లోజ్ అవుతుంది. తదుపరి కోర్టు విచారణ లేకుండా కేసు పూర్తిగా ముగిసినట్లే.

ఈ కార్యక్రమాన్ని నేషనల్ లీగల్ సర్వీసెస్ అథారిటీ (NALSA) పర్యవేక్షణలో నిర్వహిస్తున్నారు. 11 రాష్ట్రాలతో పాటు తెలంగాణ కూడా ఈ ప్రత్యేక రాయితీ డ్రైవ్‌లో భాగమవుతోంది.

రాయితీకి అర్హత ఉన్న చలాన్లు:

చిన్నపాటి ట్రాఫిక్ ఉల్లంఘనలకు సంబంధించిన, ఎక్కువ కాలంగా పెండింగ్‌లో ఉన్న చలాన్లు రాయితీతో సెటిల్ చేసుకోవచ్చు. ముఖ్యంగా:

హెల్మెట్ లేకుండా డ్రైవింగ్
సీట్‌బెల్ట్ లేకుండా డ్రైవింగ్
రెడ్ సిగ్నల్ జంప్
సాధారణ ఓవర్‌స్పీడింగ్
రాంగ్ పార్కింగ్
పొల్యూషన్ సర్టిఫికేట్ లేకపోవడం
లైసెన్స్ లేకుండా డ్రైవింగ్
నంబర్ ప్లేట్ లేకపోవడం
ఫిట్‌నెస్ సర్టిఫికెట్ లోపాలు
సాంకేతిక కారణాలతో తప్పుగా నమోదైన చలాన్లు ఇవన్నీ లోక్ అదాలత్‌లో క్లియర్ చేసుకోవచ్చు.