భర్తను వేధిస్తున్న భార్య రోజుకు రూ.5000 ఇస్తేనే కాపురం చేస్తాను అల్టిమేటం!

బెంగళూరు: సాఫ్ట్‌వేర్ ఉద్యోగి శ్రీకాంత్ తన భార్య నుంచి తీవ్ర వేధింపులు ఎదుర్కొంటున్నాడని పోలీసులకు ఫిర్యాదు చేశాడు. బెంగళూరులోని వయ్యాలికావల్ పోలీస్‌స్టేషన్ పరిధిలో చోటుచేసుకున్న ఈ ఘటన సంచలనంగా మారింది.

ఏం జరిగింది?

శ్రీకాంత్ 2022లో ఓ యువతితో వివాహం చేసుకున్నాడు. వర్క్ ఫ్రమ్ హోమ్ చేసే ఉద్యోగి కావడంతో ఇంట్లో నుంచే పని చేస్తున్నాడు. అయితే, అతని భార్య కాపురం కొనసాగించాలంటే రోజుకు రూ.5000 ఇవ్వాలని డిమాండ్ చేసిందని అతను ఆరోపిస్తున్నాడు. అంతే కాదు, లేదంటే రూ.45 లక్షలు ఇచ్చి విడాకులు తీసుకోవాలని వేధిస్తోందని చెప్పాడు.

విధులకు అడ్డుగా భార్య ప్రవర్తన

శ్రీకాంత్ జూమ్ ద్వారా తన విధులు నిర్వర్తించేవాడు. అయితే, ఈ సమయాల్లో అతని భార్య అతని పనిని అడ్డుకుంటూ అనవసరంగా తిడుతుందని, డ్యాన్స్‌లు చేస్తూ వ్యతిరేకంగా ప్రవర్తిస్తుందని పోలీసులకు తెలిపాడు. ఆమె మాటల్ని వ్యతిరేకిస్తే తనను చంపుకుంటానని బెదిరించేదని పేర్కొన్నాడు.

భార్య స్పందన

ఈ ఆరోపణలపై శ్రీకాంత్ భార్య స్పందిస్తూ భర్త చెబుతున్నవి అన్నీ అబద్దాలని, తాను ఎటువంటి వేధింపులు చేయలేదని తెలిపింది.

ఈ వివాదం ఇప్పుడు పోలీసుల వద్దకు చేరడంతో వారు దర్యాప్తు ప్రారంభించారు. శ్రీకాంత్ ఆరోపణల్లో నిజం ఉందా? లేదా అతని భార్య చెప్పేది నిజమా? అన్నది త్వరలో తేలనుంది.