లంచం తీసుకుంటూ ఏసీబీ వలలో స్టేషన్ ఘన్ పూర్ సబ్ రిజిస్ట్రార్

వరంగల్, స్టేషన్ ఘన్ పూర్ సబ్ రిజిస్ట్రార్ రామకృష్ణ లంచం తీసుకుంటూ ఏసీబీ అధికారులకు చిక్కారు. ఓ ఇంటి రిజిస్ట్రేషన్ కోసం ఆయన రూ.20 వేలు లంచం డిమాండ్ చేసినట్లు సమాచారం.

బాధితుడు ఈ విషయాన్ని తీవ్రంగా తీసుకుని, ఏసీబీ అధికారులకు ఫిర్యాదు చేశాడు. దీనిపై స్పందించిన అవినీతి నిరోధక శాఖ (ACB) అధికారులు, సబ్ రిజిస్ట్రార్ రామకృష్ణపై నిఘా పెట్టి, నిర్ధిష్ట ప్రణాళికతో జాల వేశారు.

నిర్దేశిత ప్రదేశంలో రామకృష్ణ బాధితుడి వద్ద నుండి లంచం తీసుకుంటుండగా, ఏసీబీ అధికారులు దాడి చేసి అతడిని రెడ్ హ్యాండెడ్ గా పట్టుకున్నారు. అనంతరం ఆయనను అదుపులోకి తీసుకుని, సంబంధిత విచారణను ప్రారంభించారు.

ఈ ఘటనతో సంబంధిత రిజిస్ట్రేషన్ కార్యాలయంలో పెచ్చరిల్లిన అవినీతిపై స్థానికులు ఆగ్రహం వ్యక్తం చేస్తున్నారు. ప్రభుత్వం లంచగొండులను కఠినంగా శిక్షించాలని ప్రజలు డిమాండ్ చేస్తున్నారు.