భారత సైన్యం శౌర్యానికి ముఖ్యమంత్రి రేవంత్ రెడ్డి ప్రశంసలు

ఆపరేషన్ సిందూర్ విజయంపై స్పందన

హైదరాబాద్, పాక్ ఆక్రమిత కాశ్మీర్ (పీఓకే) సహా పాకిస్తాన్‌లోని ఉగ్రవాద కేంద్రాలపై భారత సాయుధ దళాలు నిర్వహించిన విజయం "ఆపరేషన్ సిందూర్" దేశాన్ని గర్వపడేలా చేసిందని తెలంగాణ ముఖ్యమంత్రి రేవంత్ రెడ్డి అన్నారు. భారత సైన్యం ప్రదర్శించిన ధైర్యం, సమర్థతపై ఆయన ప్రశంసలు కురిపించారు.

"ఒక భారతీయ పౌరుడిగా, మన సైనికుల ధైర్యానికి నేను పూర్ణ మద్దతు తెలుపుతున్నాను. ఉగ్రవాద నిర్మూలనకు ఈ దాడులు దేశ భద్రతకు ఒక నిదర్శనం. మనం అందరం ఒకే గొంతుతో – జై హింద్ అని ప్రకటిద్దాం!" అంటూ ముఖ్యమంత్రి తన అధికారిక X (మాజీ ట్విట్టర్) ఖాతా ద్వారా తెలిపారు.

వాటిపై సమీక్షకు సిద్ధమైన ప్రభుత్వం

ఆపరేషన్ సిందూర్ నేపథ్యంలో, ముఖ్యమంత్రి రేవంత్ రెడ్డి హైదరాబాద్‌లోని కమాండ్ కంట్రోల్ సెంటర్‌లో అత్యవసర సమీక్షా సమావేశాన్ని నిర్వహించనున్నారు. ఈ సమావేశానికి ఆర్మీ, పోలీస్, డిజాస్టర్ మేనేజ్‌మెంట్ మరియు ఇతర సంబంధిత విభాగాల ఉన్నతాధికారులు హాజరుకానున్నారు.

హైదరాబాద్ ఒక వ్యూహాత్మక కేంద్రంగా మారుతున్న తరుణంలో, దేశ భద్రతా పరంగా అవసరమైన చర్యలపై కీలక మార్గదర్శకత్వాన్ని సీఎం  అందించనున్నారు.

ప్రజలకు ముఖ్యమంత్రి విజ్ఞప్తి

ఈ సందర్భంగా ముఖ్యమంత్రి ప్రజలను ఎలాంటి భయభ్రాంతులకు లోనుకాకుండా అప్రమత్తంగా ఉండాలని కోరారు. అనుమానాస్పద కార్యకలాపాలు గమనిస్తే వెంటనే స్థానిక పోలీసులకు సమాచారం అందించాలని సూచించారు.

జైహింద్!