శ్రావణ సోమవారం ఉత్సాహంగా… చౌదర్పల్లిలో విశేషాభిషేకాలు

మెదక్ జిల్లా, చౌదర్పల్లి: శ్రావణ సోమవారం సందర్భంగా చౌదర్పల్లి పుణ్యక్షేత్రంలో భక్తి శ్రద్ధలతో విశేష పూజా కార్యక్రమాలు నిర్వహించారు. బీబీపేట ఆర్యవైశ్య సంఘం సభ్యులు కుటుంబ సమేతంగా చేరుకొని శ్రీ దుబ్బరాయేశ్వర స్వామి గారికి పాలాభిషేకం, పుష్పాభిషేకం మరియు ప్రత్యేక అలంకార సేవలు సమర్పించారు. ఆలయ ప్రాంగణంలో భక్తులు పెద్ద సంఖ్యలో హాజరై స్వామి దర్శనం పొందారు.

పూజా కార్యక్రమాల అనంతరం అన్నప్రసాద వితరణ నిర్వహించగా, వందలాది మంది భక్తులు ప్రసాదం స్వీకరించారు. ఈ కార్యక్రమాన్ని ఆర్యవైశ్య సంఘం, వాసవి క్లబ్ సభ్యులు సమన్వయంతో చేపట్టారు.

ఈ సందర్భంగా సంఘ నాయకులు, “శ్రావణ మాసంలో సోమవారాలు పవిత్రమైనవని, భక్తులు విశ్వాసంతో స్వామి సేవలో భాగస్వాములు కావాలని” పిలుపునిచ్చారు.