అన్నపూర్ణ క్యాంటీన్ సమీపంలో ఓ వ్యక్తి దారుణ హత్య కలకలం

నల్లగొండ జిల్లా: ఆగస్టు 28: నల్లగొండ జిల్లా కేంద్రంలో గురువారం ఉదయం ఘోర హత్య చోటుచేసుకుంది. నగరంలోని కోమటిరెడ్డి ప్రతీక్ రెడ్డి కాలేజీ వద్ద ఉన్న అన్నపూర్ణ క్యాంటీన్ సమీపంలో ఓ వ్యక్తి రక్తపు మడుగులో పడి ఉండటాన్ని వాహనదారులు గుర్తించి వెంటనే పోలీసులకు సమాచారం అందించారు.

సూచన అందుకున్న వన్ టౌన్ సీఐ ఏమి రెడ్డి రాజశేఖర్ రెడ్డి ఆధ్వర్యంలోని పోలీసు బృందం అక్కడికి చేరుకుని సంఘటనా స్థలాన్ని పరిశీలించింది. మృతుడు **చింతికింది రమేష్ (42)**గా గుర్తించారు.

స్థానికుల సమాచారం మేరకు, రమేష్ గత కొన్ని ఏండ్లుగా బీటీఎస్ కాలనీలో నివసిస్తూ డ్రైవర్‌గా జీవనం సాగిస్తున్నాడు. మూడు నెలల క్రితం కుటుంబ కలహాల కారణంగా భార్య పుట్టింటికి వెళ్లినట్లు తెలిసింది.

ప్రాథమిక విచారణలో, గుర్తు తెలియని వ్యక్తులు రమేష్‌ను రాళ్లతో తలపై కొట్టి హత్య చేసినట్లు పోలీసులు అనుమానం వ్యక్తం చేస్తున్నారు. అయితే ఘటన వెనుక ఖచ్చితమైన కారణాలు ఇంకా తెలియరాలేదు.

పోలీసులు కేసు నమోదు చేసి దర్యాప్తు కొనసాగిస్తున్నారు. రమేష్ హత్యతో స్థానికంగా ఆందోళన, భయాందోళనలు వ్యక్తమవుతున్నాయి.