కార్పొరేట్ సివిల్ డిపార్ట్మెంట్ సమస్యలపై హెచ్ఎంఎస్ జనరల్ మేనేజర్కు వినతిపత్రం
కొత్తగూడెం డిసెంబర్ 8: సింగరేణి కార్పొరేట్ సివిల్ డిపార్ట్మెంట్లో కార్మికులు ఎదుర్కొంటున్న పలు సమస్యలను పరిష్కరించాలని డిమాండ్ చేస్తూ హెచ్ఎమ్ఎస్ (HMS) యూనియన్ ప్రతినిధులు సోమవారం జనరల్ మేనేజర్ను కలిసి వినతిపత్రం అందజేశారు. ఈ సందర్భంగా హెచ్ఎమ్ఎస్ జనరల్ సెక్రటరీ రియాజ్ అహ్మద్ నేతృత్వంలో సివిల్ డిపార్ట్మెంట్కు సంబంధించిన పది ప్రధాన సమస్యలను అధికారులకు వివరించారు.
కార్మికుల కోసం షిఫ్ట్ సమస్యలు, క్యాంటీన్ సదుపాయాలు, వాల్వ్ మరియు పంప్ ఆపరేటర్ల ఖాళీలు, లైటింగ్ లేమి, టాయిలెట్ సదుపాయాల కొరత వంటి అనేక అంశాలు ఈ వినతిపత్రంలో ప్రస్తావించారు. ఈ కార్యక్రమంలో అధ్యక్షుడు సారయ్య, కార్పొరేట్ వైస్ ప్రెసిడెంట్ అశోక్ కుమార్, సెంట్రల్ సెక్రటరీ శ్రీనివాస్ పాల్గొన్నారు. ప్రతినిధుల వినతిని విన్న జనరల్ మేనేజర్ సమస్యలపై సానుకూలంగా స్పందించినట్లు సమాచారం.
వినతిపత్రంలో పేర్కొన్న ప్రధాన సమస్యలు
1) చాతకొండ ఏరియా–2 పంప్ హౌస్ పునరుద్ధరణ
లక్ష్మీదేవిపల్లి ప్రాంతంలోని చాతకొండ ఏరియా–2 పంప్ హౌస్ పలు సంవత్సరాలుగా నిర్వహణ లేక వాడకంలో లేకపోవడం వల్ల సింగరేణి భూమి ప్రైవేటు కబ్జాకు గురయ్యే అవకాశం ఉన్నట్లు యూనియన్ ప్రతినిధులు తెలిపారు. వెంటనే దీనిని పునరుద్ధరించాలని డిమాండ్ చేశారు.
2) గణేష్ పురం–బాబు క్యాంప్–హిల్ ట్యాంక్ ప్రాంతాలలో మూడో షిఫ్ట్ పునరుద్ధరణ
మ్యాన్పవర్ కొరత కారణంగా తొలగించిన మూడో షిఫ్టును వెంటనే అమలు చేయాలని యూనియన్ కోరింది. కార్మికులకు ఇది అత్యవసర అవసరమని పేర్కొన్నారు.
3) వాల్వ్ & పంప్ ఆపరేటర్ల ఖాళీల భర్తీ
ఖాళీగా ఉన్న వాల్వ్ ఆపరేటర్, పంప్ ఆపరేటర్ పోస్టులను ఇప్పటికే యాక్టింగ్లో పనిచేస్తున్న కార్మికులతోనే భర్తీ చేయాలని అభ్యర్థించారు.
4) క్యాంటీన్ సౌకర్యాల మెరుగుదల
క్యాంటీన్లో బెంచీలు, కుర్చీలు, ప్రాథమిక వసతులు చాలా దయనీయంగా ఉన్నందున వాటిని వెంటనే మెరుగుపరచాలని యూనియన్ సూచించింది.
5) హేమచంద్రపురం ఫ్రెష్ వాటర్ పంప్ ఆపరేటర్ రూం నిర్మాణం
గతంలో ప్రారంభించిన ఆపరేటర్ రూం నిర్మాణం ఇంకా పూర్తి కాలేదని, వెంటనే పనులు పూర్తి చేసి ఉపయోగంలోకి తీసుకురావాలని కోరారు.
6) పిపీట్ క్లర్క్, స్టోర్ క్లర్క్ పోస్టుల పర్మనెంట్ నియామకం
ఈ పోస్టులను తాత్కాలికుల ద్వారా కాకుండా శాశ్వత ఉద్యోగులతో భర్తీ చేయాలని యూనియన్ డిమాండ్ చేసింది.
7) ప్రధాన ఆసుపత్రి–బర్మా క్యాంప్–హిల్ ట్యాంక్–గణేష్ పురం ప్రాంతాలలో లైటింగ్ లేకపోవడం
వాటర్ వాల్వ్లు ఉన్న ముఖ్య ప్రాంతాల్లో కాంతి సక్రమంగా లేకపోవడం ప్రమాదాలకు దారితీస్తుందని, వెంటనే లైటింగ్ ఏర్పాటు చేయాలని పత్రంలో పేర్కొన్నారు.
8) టాయిలెట్ సదుపాయాల కొరత
బర్లీ ఫీట్ పంప్ హౌస్ మరియు హేమచంద్రపురం ఫ్రెష్ వాటర్ పంప్ హౌస్ ప్రాంతాల్లో టాయిలెట్లు లేకపోవడంతో కార్మికులు ఇబ్బందులు పడుతున్నారని తెలిపారు. కనీసం ఒక్క టాయిలెట్ అయినా ఏర్పాటు చేయాలని యూనియన్ విజ్ఞప్తి చేసింది.
9) గణేష్ పురం వాటర్ ట్యాంక్ వద్ద వాల్వ్ ఆపరేటర్ షెడ్ ఏర్పాటు
వర్షం, ఎండలో ఆపరేటర్లు ఇబ్బంది పడకుండా ఒక వర్కింగ్ షెడ్ ఏర్పాటు చేయాలని కోరారు.
అధికారుల స్పందన
ప్రతినిధుల వివరణను శ్రద్ధగా విన్న జనరల్ మేనేజర్, మేనేజర్లు సమస్యలపై సానుకూలంగా స్పందించినట్లు హెచ్ఎమ్ఎస్ తెలిపింది. త్వరలోనే వీటి పరిష్కారానికి చర్యలు తీసుకుంటామని అధికారులు హామీ ఇచ్చినట్లు యూనియన్ నేతలు వెల్లడించారు.
Post a Comment