స్టార్టప్ల కేంద్రంగానే టీ-హబ్ కొనసాగాలి: అధికారులకు సీఎం రేవంత్ రెడ్డి ఆదేశం
హైదరాబాద్: టీ-హబ్ను పూర్తిస్థాయిలో స్టార్టప్ల కేంద్రంగానే కొనసాగించాలని ముఖ్యమంత్రి ఎ. రేవంత్ రెడ్డి అధికారులను ఆదేశించారు. అద్దె భవనాల్లో ఉన్న ప్రభుత్వ కార్యాలయాలను టీ-హబ్కు తరలిస్తున్నట్లు వస్తున్న వార్తలపై సీఎం వెంటనే స్పందించారు.
అమెరికా పర్యటనలో ఉన్న ముఖ్యమంత్రి, ఈ విషయంపై ప్రభుత్వ ప్రధాన కార్యదర్శి రామకృష్ణారావు గారితో ఫోన్లో మాట్లాడారు. అద్దె భవనాల్లో కొనసాగుతున్న ప్రభుత్వ కార్యాలయాలను అందుబాటులో ఉన్న ఇతర ప్రభుత్వ భవనాలకు మార్చాలని స్పష్టం చేశారు.
స్టార్టప్లకు ఇంక్యుబేటర్గా, ఇన్నోవేషన్ క్యాటలిస్ట్గా ప్రత్యేకంగా ఏర్పాటు చేసిన టీ-హబ్లో ఎట్టి పరిస్థితుల్లోనూ ఇతర ప్రభుత్వ కార్యాలయాలు ఉండకూడదని సీఎం ఆదేశించారు. టీ-హబ్ను ప్రత్యేకంగా స్టార్టప్ల కేంద్రంగానే గుర్తించాలని, దీనికి విరుద్ధంగా ఏవైనా ఆలోచనలు ఉంటే వెంటనే విరమించుకోవాలని అధికారులకు సూచించారు.
Post a Comment