ఎలక్ట్రీషియన్ల శిక్షణ పూర్తి చేసిన అధికారులకు ఘనంగా సన్మానం

 

ఎలక్ట్రీషియన్ల శిక్షణ పూర్తి శిక్షణ పూర్తి చేసిన అధికారులకు ఘనంగా సన్మానం

గోదావరిఖని, అక్టోబర్ 17: డైరెక్టరేట్ జనరల్ ఆఫ్ మైన్స్ సేఫ్టీ (DGMS) సర్క్యులర్‌–06/2024కు అనుగుణంగా ఎలక్ట్రీషియన్లకు నిర్వహించిన శిక్షణ కార్యక్రమం శుక్రవారం ఆర్‌జీ–2 పరిధిలోని యూఎంటీఐ (UMTI)లో విజయవంతంగా ముగిసింది. గనుల్లో విద్యుత్ భద్రతను మరింత పటిష్టం చేయడం, ప్రమాదాలను నివారించడం, విధి నిర్వహణలో భద్రతా ప్రమాణాలను పాటించేలా ఎలక్ట్రీషియన్లకు అవగాహన కల్పించడం ఈ శిక్షణ కార్యక్రమం ప్రధాన ఉద్దేశం.

శిక్షణ కార్యక్రమాన్ని విజయవంతంగా పూర్తి చేసుకున్న సందర్భంగా శ్రీ ఎస్‌డీ జావీద్ అక్మల్ హుస్సేనీ, డీజీఎం (EnM), NIM–UMTI; శ్రీ అమీన్‌ఉద్దీన్, ఎండీ, ఎలక్ట్రో బర్న్ ఇండస్ట్రీస్; శ్రీ సతీష్, ఫోర్‌మన్ ఇన్‌చార్జి; శ్రీ టీ. శ్రీనివాస్, సీనియర్ అసిస్టెంట్, UMTIలను శిక్షణ పొందిన ఎలక్ట్రీషియన్లు ఘనంగా సన్మానించారు. ఈ సందర్భంగా వారికి కృతజ్ఞతలు తెలియజేస్తూ, శిక్షణ కార్యక్రమం విజయవంతం కావడంలో అందించిన సహకారాన్ని అభినందించారు.

గనుల్లో విద్యుత్ పరికరాల వినియోగం, నిర్వహణ సమయంలో అప్రమత్తంగా ఉండటం, విద్యుత్ ప్రమాదాల నివారణకు అవసరమైన జాగ్రత్తలు తీసుకోవడం, డీజీఎంఎస్ నిర్దేశించిన భద్రతా నిబంధనలను కచ్చితంగా పాటించడం వంటి అంశాల్లో ఈ శిక్షణ ఎంతో ఉపయోగకరంగా ఉంటుందని పేర్కొన్నారు.

గనుల్లో విద్యుత్ సంబంధిత ప్రమాదాలను తగ్గించేందుకు సాంకేతిక పరిజ్ఞానంతో పాటు భద్రతా నియమాలపై అవగాహన, బాధ్యతాయుతమైన విధి నిర్వహణ అత్యంత కీలకమని తెలిపారు. శిక్షణ ద్వారా పొందిన పరిజ్ఞానాన్ని క్షేత్రస్థాయిలో అమలు చేస్తూ, తమ విధులను సురక్షితంగా నిర్వహించాలని ఎలక్ట్రీషియన్లకు సూచించారు.

శిక్షణను విజయవంతంగా పూర్తి చేసిన ఎలక్ట్రీషియన్లకు నిర్వాహకులు అభినందనలు తెలిపారు. ఇటువంటి శిక్షణ కార్యక్రమాలు గనుల్లో భద్రతా ప్రమాణాలను మెరుగుపరచడంతో పాటు కార్మికుల ప్రాణరక్షణకు దోహదపడతాయని పేర్కొన్నారు.