చేయూత పెన్షన్లను రూ.4 వేలకు పెంచాలి ఎమ్మెల్యే రాజగోపాల్ రెడ్డి డిమాండ్

 

చేయూత పెన్షన్లను రూ.4 వేలకు పెంచాలి ఎమ్మెల్యే రాజగోపాల్ రెడ్డి డిమాండ్

చేయూత పెన్షన్లను రూ.4 వేలకు పెంచాలి ఎమ్మెల్యే రాజగోపాల్ రెడ్డి డిమాండ్

 రూ.5 వేలు ఇచ్చినా తక్కువేనని వ్యాఖ్య

తెలంగాణలో కాంగ్రెస్ ప్రభుత్వం ఎన్నికల సమయంలో ఇచ్చిన హామీ మేరకు చేయూత పెన్షన్లను నెలకు రూ.4 వేలకు పెంచాలని కాంగ్రెస్ ఎమ్మెల్యే రాజగోపాల్ రెడ్డి డిమాండ్ చేశారు. పెరుగుతున్న నిత్యావసర వస్తువుల ధరల నేపథ్యంలో ప్రస్తుతం అందిస్తున్న రూ.2 వేల పెన్షన్ ఏ మాత్రం సరిపోవడం లేదని ఆయన అభిప్రాయపడ్డారు. కనీసం రూ.4 వేలు ఇవ్వాలని, రూ.5 వేల పెన్షన్ ఇచ్చినా తక్కువేనని వ్యాఖ్యానించారు.

ప్రభుత్వ సంక్షేమ పథకాల అమలు, వాటి విషయంలో నెలకొన్న లోపాలపై సొంత ప్రభుత్వాన్ని సైతం ప్రశ్నిస్తూ వస్తున్న రాజగోపాల్ రెడ్డి.. తాజాగా చేయూత పెన్షన్ల పెంపు అంశాన్ని తెరపైకి తీసుకురావడం రాజకీయంగా చర్చనీయాంశంగా మారింది.

ముఖ్యంగా వృద్ధులు, వితంతువులు, దివ్యాంగులు, ఇతర అర్హులైన లబ్ధిదారులకు పెన్షన్ మొత్తం పెంచితే ఆర్థికంగా కొంత ఊరట లభిస్తుందని ఆయన డిమాండ్ ద్వారా మరోసారి స్పష్టమైంది.

అయితే ఇప్పటికే వివిధ సంక్షేమ పథకాల అమలుకు ప్రభుత్వం భారీగా నిధులు ఖర్చు చేస్తోంది. మరోవైపు రాష్ట్ర ఆర్థిక పరిస్థితి, పెరుగుతున్న అప్పుల భారం నేపథ్యంలో పెన్షన్లను రూ.4 వేలు లేదా రూ.5 వేలకు పెంచడం ప్రభుత్వానికి ఎంతవరకు సాధ్యమవుతుందనే చర్చ సాగుతోంది. ఎన్నికల హామీ అమలుపై ప్రభుత్వం ఎలాంటి నిర్ణయం తీసుకుంటుందో వేచి చూడాలి.

Blogger ఆధారితం.