ఘోర రోడ్డు ప్రమాదం : బైక్‌ను ఢీకొట్టిన లారీ.. ఒకరి మృతి, మరొకరికి తీవ్ర గాయాలు
వరంగల్, తెలంగాణ రాష్ట్రం వరంగల్ జిల్లాలో శనివారం ఉదయం ఘోర రోడ్డు ప్రమాదం జరిగింది. ఈ ఘటనలో ఒకరు అక్కడికక్కడే ప్రాణాలు కోల్పోయారు. మరొకరికి తీవ్ర గాయాలు అయ్యాయి.
హనుమకొండ జిల్లాలోని ఆత్మకూరు మండలానికి చెందిన బూస కుమార్ (వయసు 35) అనే యువకుడు తన బంధువు పెళ్లికి హాజరయ్యేందుకు నల్లబెల్లి మండలంలోని వల్ల నరసయ్య పల్లి గ్రామానికి బయలుదేరాడు. ఆయనతో పాటు పెండ్లి రాజులు అనే వ్యక్తి బైక్‌పై ప్రయాణిస్తున్నారు.
అయితే, వల్ల నరసయ్యపల్లి క్రాస్ రోడ్డు వద్ద వీరు ప్రయాణిస్తున్న బైక్‌ను వెనుక నుంచి వేగంగా వచ్చిన ఓ లారీ బలంగా ఢీకొట్టింది. ఈ ప్రమాదంలో బూస కుమార్ తీవ్రంగా గాయపడి అక్కడికక్కడే మృతిచెందాడు. అతని తోటి ప్రయాణికుడు పెండ్లి రాజులకు తీవ్ర గాయాలు కావడంతో స్థానికులు వెంటనే ఆసుపత్రికి తరలించారు.
ప్రమాదం జరిగిన తర్వాత లారీ డ్రైవర్ పరారయ్యినట్లు సమాచారం. పోలీసులు ఘటన స్థలానికి చేరుకుని కేసు నమోదు చేశారు. మృతదేహాన్ని పోస్ట్‌మార్టం నిమిత్తం ప్రభుత్వ ఆసుపత్రికి తరలించారు. పూర్తి వివరాల కోసం దర్యాప్తు కొనసాగుతోంది.
ఈ సంఘటనకు సంబంధించి గ్రామస్థులు తీవ్ర దిగ్భ్రాంతి వ్యక్తం చేశారు. క్షతగాత్రుడి ఆరోగ్య పరిస్థితి ప్రస్తుతం స్థిరంగా ఉందని వైద్యులు తెలిపారు.
Post a Comment