💔 తల్లి కన్నుల ముందు కొడుకు దుర్మరణం – హైదరాబాద్‌లో విషాదం
హైదరాబాద్, తల్లి ముందు తన కొడుకు ప్రాణాలు కోల్పోయిన హృదయవిదారక ఘటన నగరంలో వెలుగుచూసింది. చిన్నారిని స్కూల్‌కి తీసుకెళ్తున్న తల్లి స్కూటీ ప్రమాదానికి గురవడంతో ఈ విషాదం జరిగింది.
వివరాల్లోకి వెళితే... దుండిగల్ పోలీస్ స్టేషన్ పరిధిలోని మల్లంపేటలో ఈ దుర్ఘటన జరిగింది. 1వ తరగతిలో చదువుతున్న బాలుడిని స్కూటీపై తీసుకొని తల్లి పల్లవి స్కూల్ వద్దకు వచ్చింది. అయితే స్కూల్ గేటు సమీపంలో స్కూటీ అదుపుతప్పి ఇద్దరూ రోడ్డుపై పడిపోయారు. అదే సమయంలో వెనుక నుంచి వచ్చిన టిప్పర్ లారీ బాలుడి తలపై నుండి వెళ్లింది.
తన కళ్లముందే కొడుకు తల ఛిద్రం కావడం చూసిన తల్లి శోకసంద్రంలో మునిగిపోయింది. కొడుకు కొద్దిసేపటి ముందు వరకు నవ్వుతూ మాట్లాడుతున్న దృశ్యం ఆమెకు కన్నీటిగా మిగిలింది. ఈ ప్రమాదం స్కూల్ ముందు చోటుచేసుకోవడంతో అక్కడ ఉన్నవారంతా షాక్‌కు గురయ్యారు.
ప్రమాదం గురించి సమాచారం అందుకున్న పోలీసులు ఘటన స్థలానికి చేరుకుని టిప్పర్ డ్రైవర్‌ను అదుపులోకి తీసుకున్నారు. బాలుడి మృతదేహాన్ని పోస్టుమార్టంకు తరలించారు. కేసు నమోదు చేసుకుని దర్యాప్తు చేపట్టారు.
ఈ ఘటన తల్లిదండ్రుల గుండెను పిండేసే విధంగా ఉండగా, బిడ్డలను స్కూల్‌కు తీసుకెళ్లేటప్పుడు రోడ్డు ప్రమాదాలపై మరోసారి అవగాహన కల్పించాల్సిన అవసరం స్పష్టమవుతోంది.
Post a Comment