శ్రీ ఉజ్జయినీ మహంకాళి బోనాల ఉత్సవాలకు సీఎం రేవంత్ రెడ్డిని ఆహ్వానించిన కమిటీ సభ్యులు

 

హైదరాబాద్‌, తెలంగాణ రాష్ట్ర పటిష్ట సాంస్కృతిక వారసత్వాల్లో ఒకటైన శ్రీ ఉజ్జయినీ మహంకాళి బోనాల ఉత్సవాలు జరుపుకోబోతున్న వేళ, ఈ ఉత్సవాల్లో పాల్గొనాల్సిందిగా ముఖ్యమంత్రి  రేవంత్ రెడ్డి గారిని అధికారికంగా ఆహ్వానించారు.

జూలై 13న సికింద్రాబాద్‌లో అంగరంగ వైభవంగా జరగనున్న మహంకాళి బోనాల ఉత్సవాల్లో ముఖ్యమంత్రి హాజరుకావాలని కోరుతూ, బోనాల ఉత్సవ కమిటీ సభ్యులు, మంత్రులు కొండా సురేఖ, పొన్నం ప్రభాకర్, దేవాదాయ శాఖ ఉన్నతాధికారులు, ఆలయ అర్చకులతో కలిసి డాక్టర్ బీఆర్ అంబేడ్కర్ తెలంగాణ రాష్ట్ర సచివాలయంలో ముఖ్యమంత్రి గారిని కలిసి ఆహ్వాన పత్రికను అందజేశారు.

ఈ సందర్భంగా మహంకాళి ఆలయ అర్చకులు ముఖ్యమంత్రి గారికి ఆశీర్వచనాలు అందించగా, సీఎం రేవంత్ రెడ్డి ఆలయ వారసత్వాన్ని, భక్తుల భక్తిశ్రద్ధను కొనియాడారు. ప్రజల సహకారంతో సంప్రదాయబద్ధంగా ఉత్సవాలు జరగాలని ఆకాంక్షించారు. భద్రత, ఏర్పాట్లకు ప్రభుత్వంగా పూర్తి సహకారం అందించనున్నట్లు హామీ ఇచ్చారు.

ఈ కార్యక్రమంలో పలువురు అధికారులే కాకుండా బోనాల కమిటీ ప్రతినిధులు, పూజారులు, భక్తుల సంఘాల ప్రతినిధులు పాల్గొన్నారు.