ఉపరాష్ట్రపతి ఎన్నికలకు షెడ్యూల్ విడుదల – సెప్టెంబర్ 9న పోలింగ్
భారతదేశంలో రెండో అత్యున్నత రాజ్యాంగ పదవి అయిన ఉపరాష్ట్రపతి స్థానానికి ఎన్నికల ప్రక్రియ మొదలైంది. గురువారం భారత ఎన్నికల సంఘం అధికారిక నోటిఫికేషన్ విడుదల చేసింది. ఇందులో భాగంగా నామినేషన్‌ల స్వీకరణను కూడా ప్రారంభించింది.
ప్రస్తుతం ఉపరాష్ట్రపతిగా ఉన్న జగదీప్ ధన్ఖడ్ ఇటీవల ఆరోగ్య కారణాలు చూపుతూ జూలై 21న రాజీనామా చేశారు. ఆయన పదవీకాలం 2027 ఆగస్టు వరకు ఉండాల్సి ఉన్నప్పటికీ, అనూహ్యంగా తన పదవి నుండి తప్పుకున్నారు. రాజ్యాంగ నిబంధనల ప్రకారం ఉపరాష్ట్రపతి పదవి ఖాళీ అయిన వెంటనే ఎన్నిక నిర్వహించాల్సి ఉంటుంది.
ఈ నేపథ్యంలో ఎన్నికల సంఘం తక్షణమే చర్యలు తీసుకుని ఎన్నికల షెడ్యూల్‌ను విడుదల చేయడం గమనార్హం. అభ్యర్థులు ఆగస్టు 21 వరకు నామినేషన్లు దాఖలు చేయవచ్చు. సమర్పించిన పత్రాలను ఆగస్టు 22న పరిశీలించి, అవసరమైతే ఆగస్టు 25 వరకు అభ్యర్థిత్వం ఉపసంహరించుకునే అవకాశం కల్పించనుంది.
Post a Comment