చెల్పూర్ KTPPలో కొత్త సమావేశ మందిరం ప్రారంభం

జయశంకర్ భూపాలపల్లి జిల్లా గణపురం మండలం చెల్పూర్‌లోని కాకతీయ థర్మల్ పవర్ ప్రాజెక్ట్ (KTPP) పరిధిలో కొత్త హంగులతో నిర్మించిన సర్వీస్ బిల్డింగ్ 3వ అంతస్తులోని సమావేశ మందిరాన్ని చీఫ్ ఇంజనీర్ (ఓం & ఎం) చిట్టాప్రగడ శ్రీ ప్రకాష్ గారు ఈ రోజు ఘనంగా ప్రారంభించారు.

ఈ సందర్భంగా రిబ్బన్ కట్ చేసి, సమావేశ మందిరాన్ని సందర్శించిన చీఫ్ ఇంజనీర్ గారు, కార్యాలయాల మౌలిక వసతుల అభివృద్ధిపై శ్రద్ధ తీసుకోవడం గొప్ప విషయం అని అన్నారు. అనంతరం జరిగిన కార్యక్రమంలో ఓం & ఎం విభాగం, అర్టీజన్ విభాగానికి చెందిన సూపరింటెండెంట్ ఇంజనీర్లు, ఇతర ఇంజనీరింగ్ అధికారులు, కార్మికులు తదితరులు పాల్గొన్నారు.

ఈ సమావేశ మందిరం ఆధునిక హంగులతో, విస్తృతమైన ప్రదేశంతో సమావేశాలు, అవగాహన కార్యక్రమాలు, అధికార సమావేశాల నిర్వహణకు ఉపయోగపడనుందని అధికారులు తెలిపారు.