కేవలం 33 రోజుల్లోనే… కార్తీకమాసంలో శ్రీశైల మల్లన్న హుండీ ఆదాయం కొత్త రికార్డు!

కార్తీకమాసం సందడి… భక్తుల పొంగిపొర్లే రద్దీ… శ్రీశైల పర్వతక్షేత్రం భక్తి జలపాతం లా మారింది. ఈ ఆధ్యాత్మిక ఉత్సాహం ప్రభావం నేరుగా హుండీ ఆదాయంలో ప్రతిఫలించింది.

తాజాగా చంద్రావతి కళ్యాణమండపంలో నిర్వహించిన హుండీ లెక్కింపులో మొత్తం ₹7,27,26,400 ఆదాయం నమోదు కావడంతో దేవస్థానంలో ఆనందం నెలకొంది.

దేశంతో పాటు విదేశాల నుండి వచ్చిన భక్తులు కూడా స్వామి–అమ్మవార్లకు తమ కానుకలను అర్పించారు.

విదేశీ కరెన్సీల జాబితా ఇలా ఉంది:

USA డాలర్లు: 646
సౌదీ రియాల్స్: 85
యూఏఈ దిర్హమ్స్: 120
కతార్ రియల్స్: 136
సింగపూర్ డాలర్లు: 30
ఇంగ్లాండ్ పౌండ్స్: 85
ఆస్ట్రేలియా డాలర్లు: 25
ఒమన్ బైంసా: 200

ఇతర కానుకలు:

బంగారం: 117.800 గ్రాములు
వెండి: 7 కిలోలు 230 గ్రాములు

ఈ లెక్కింపు పూర్తిగా పటిష్ఠ నిఘా మధ్య, ఈవో శ్రీనివాసరావు స్వయంగా పర్యవేక్షణలో జరిగింది. దేవస్థానం అధికారులు, ఉద్యోగులు, శివసేవకులు ఈ ప్రక్రియలో పాల్గొన్నారు.

కార్తీకమాస భక్తిభావానికి, శ్రీశైల క్షేత్రంపై భక్తుల అచంచలమైన విశ్వాసానికి, మరొక సాక్ష్యంగా మల్లన్న హుండీ నిలిచింది.

భక్తిశ్రద్ధ… భక్తి నిధులుగా మారితే… ఇలా రికార్డులే రాస్తాయి!