కామారెడ్డిలో రైలురోకో ఉద్రిక్తత కల్వకుంట్ల కవిత అరెస్ట్
కామారెడ్డి, నవంబర్ 28: బీసీలకు 42 శాతం రిజర్వేషన్లు అమలు చేయాలంటూ తెలంగాణ జాగృతి అధ్యక్షురాలు కల్వకుంట్ల కవిత ఆధ్వర్యంలో కామారెడ్డిలో రైలురోకో ఆందోళన జరిగింది. రైలు పట్టాలపై బైఠాయిస్తూ జాగృతి నేతలు, కార్యకర్తలు భారీగా నినాదాలు చేస్తూ రాష్ట్ర ప్రభుత్వంపై తీవ్ర ఆక్షేపణలు వ్యక్తం చేశారు.
రైల్వే ట్రాక్‌పై నిరసన కొనసాగడంతో అక్కడ పరిస్థితులు ఉద్రిక్తంగా మారాయి. వెంటనే కామారెడ్డి పోలీసులు, ఆర్పీఎఫ్ సిబ్బంది సంఘటనా స్థలానికి చేరుకుని ఆందోళనకారులను తరలించే చర్యలు చేపట్టారు. చివరకు కవితతో పాటు పలువురు జాగృతి నాయకులను పోలీసులు అరెస్టు చేసి స్టేషన్లకు తరలించారు.
జాగృతి కార్యకర్తల అరెస్టుతో అక్కడ ఉద్రిక్త వాతావరణం నెలకొంది. బీసీ రిజర్వేషన్ల పెంపుపై ప్రభుత్వం స్పష్టమైన నిర్ణయం తీసుకోవాలని జాగృతి నాయకులు డిమాండ్ చేస్తున్నారు.
Post a Comment