నల్లగొండ బ్రేకింగ్: అద్దంకి బైపాస్‌లో ఘోర రోడ్డు ప్రమాదం
నల్గొండ | తెలంగాణ : అద్దంకి బైపాస్‌లోని లెప్రసి కాలనీ సమీపంలో, కనకదుర్గ రైస్ మిల్లు వద్ద శనివారం సాయంత్రం ఘోర రోడ్డు ప్రమాదం చోటుచేసుకుంది. అద్దంకి వైపు వెళుతున్న లారీ ఒక్కసారిగా బ్రేక్ వేయడంతో, వెనుక నుంచి వస్తున్న డీసీఎం భారీగా ఢీకొట్టింది.
క్యాబిన్‌లో ఇరుక్కుపోయిన డ్రైవర్
ఢీకొట్టిన తీవ్రతకు డీసీఎం ముందు భాగం పూర్తిగా నలిగిపోయి, డ్రైవర్ క్యాబిన్‌లోనే ఇరుక్కుపోయాడు. వెంటనే సమాచారం అందుకున్న 108 అంబులెన్స్ సిబ్బంది ఘటనా స్థలానికి చేరుకుని డ్రైవర్‌కు ఆక్సిజన్ అందిస్తూ ప్రథమ చికిత్స చేశారు.
స్థానికుల తోడ్పాటు
స్థానికులు టాక్టర్‌ను ఉపయోగించి తాడు సహాయంతో క్యాబిన్‌ను విడదీసి, శ్రమించి డ్రైవర్ని బయటకు తీశారు. వెంటనే 108 సిబ్బంది తీవ్రంగా గాయపడిన డ్రైవర్ని నల్గొండ ప్రభుత్వ ఆసుపత్రికి తరలించారు.
పోలీసులు కేసు నమోదు
ప్రమాదంపై స్థానిక పోలీసులు కేసు నమోదు చేసి దర్యాప్తు ప్రారంభించారు. లారీ సడన్ బ్రేక్ కారణానా? లేక డీసీఎం అధిక వేగం కారణమా? అనే కోణాల్లో విచారణ కొనసాగుతోంది.
Post a Comment