మావోయిస్టుల సంచలన నిర్ణయం – సాయుధ పోరాటానికి ముగింపు ప్రకటించిన MMC జోన్ కమిటీ
జగిత్యాల: దేశవ్యాప్తంగా చర్చనీయాంశంగా మారేలా మావోయిస్టులు కీలక నిర్ణయం ప్రకటించారు. మహారాష్ట్ర–మధ్యప్రదేశ్–ఛత్తీస్‌గఢ్ (MMC) జోన్ కమిటీ ప్రతినిధి “అనంత్” పేరిట విడుదలైన అధికారిక లేఖలో, 2026 జనవరి 1 నుంచి సాయుధ పోరాటాన్ని పూర్తిగా విరమించుకుంటున్నట్లు స్పష్టంగా ప్రకటించారు.
ఆయుధాల అప్పగింత–పునరావాసానికి అంగీకారం
లేఖ వివరాల ప్రకారం, ప్రస్తుతం తమ వద్ద ఉన్న అన్ని ఆయుధాలను ప్రభుత్వానికి అప్పగించేందుకు సిద్ధమని, అలాగే ప్రభుత్వం చేపట్టే ప్రజాహిత పునరావాస కార్యక్రమాల్లో పాల్గొనడానికి కూడా అంగీకరిస్తున్నట్టు తెలిపారు.
ఈ ప్రక్రియ పూర్తిగా శాంతియుతంగా సాగేందుకు మహారాష్ట్ర, మధ్యప్రదేశ్, ఛత్తీస్‌గఢ్ ప్రభుత్వాలు
సంయమనం పాటించాల్సిందిగా విజ్ఞప్తి చేశారు.
ఎన్‌కౌంటర్లపై అభ్యంతరం
లేఖలో గతంలో జరిగిన పలు ఎన్‌కౌంటర్లను ప్రస్తావిస్తూ, తమ అగ్రనేతలు మల్లేశ్, ఆశు లాంగబాబు, ద్వాజ మృతిచెందారనే విషయాన్ని గుర్తుచేశారు. ఈ ఘటనలను తీవ్రంగా ఖండిస్తూ,
ప్రభుత్వ విధానాలే ఇటువంటి పరిస్థితులకు దారితీశాయని ఆరోపించారు.
సామాజిక జీవితం వైపు అడుగు
సాయుధ కార్యకలాపాల నుంచి సామాన్య జీవితం వైపు మళ్లడానికి
కొంత సమయం అవసరమని,
ఈ నేపథ్యంలోనే గురువారం ఈ లేఖను విడుదల చేసినట్టు అనంత్ పేర్కొన్నారు.
కేంద్ర కమిటీ ఆమోదం
కేంద్ర ప్రభుత్వం తన విధానాలను మార్చి,
ప్రజా సమస్యల పరిష్కారంపై దృష్టి పెట్టాలని కోరుతూ, ఈ కొత్త నిర్ణయానికి కేంద్ర కమిటీ పూర్తి ఆమోదం పొందినట్టు లేఖలో స్పష్టం చేశారు.
Post a Comment