ఘోర రోడ్డు ప్రమాదం: ఇద్దరు బీటెక్ విద్యార్థులతో పాటు మరో యువకుడు మృతి

Hyderabad: నగరంలోని సాగర్ రోడ్డులో హస్తినాపురం వద్ద విషాదకర రోడ్డు ప్రమాదం చోటుచేసుకుంది. వేగంగా వచ్చిన కారు అదుపుతప్పి బైక్‌ను ఢీకొట్టడంతో పాటు రోడ్డుపై నడుచుకుంటూ వెళ్తున్న వ్యక్తిని కూడా బలంగా ఢీ కొట్టింది.

ఈ దారుణ ప్రమాదంలో Mahaveer Institute of Science and Technology కు చెందిన ఇద్దరు బీటెక్ విద్యార్థులు అక్కడికక్కడే మృతి చెందగా, రోడ్డుపై నడుస్తున్న మరో యువకుడు కూడా ప్రాణాలు కోల్పోయాడు. ఘటనతో ఆ ప్రాంతంలో విషాద వాతావరణం నెలకొంది.

ప్రమాద వార్త తెలుసుకున్న కళాశాల విద్యార్థులు సంఘటనా స్థలానికి చేరుకుని ఆందోళనకు దిగారు. నిర్లక్ష్యంగా వాహనం నడిపిన డ్రైవర్‌పై కఠిన చర్యలు తీసుకోవాలని వారు డిమాండ్ చేశారు.

సమాచారం అందుకున్న పోలీసులు ఘటన స్థలానికి చేరుకుని మృతదేహాలను ఆసుపత్రికి తరలించి కేసు నమోదు చేసి దర్యాప్తు చేపట్టారు. ప్రమాదానికి కారణాలపై విచారణ కొనసాగుతోంది. ఈ ఘటన నగరంలో మళ్లీ రోడ్డు భద్రతపై ఆందోళనలను రేకెత్తిస్తోంది. 🚨