1 లక్ష లంచం తీసుకుంటూ ఏసీబికి చిక్కిన జూనియర్ అసిస్టెంట్

 

హైదరాబాద్: నగరంలో అవినీతి నిరోధక బ్యూరో (ACB) అధికారులు మరోసారి కఠిన చర్యలు తీసుకున్నారు. జీహెచ్‌ఎంసీ ఖైరతాబాద్ జోన్ పరిధిలోని బోరబండ సర్కిల్-37లో పనిచేస్తున్న బి. శ్రీలత (జూనియర్ అసిస్టెంట్, రెవెన్యూ/పన్నులు) లంచం తీసుకుంటూ ఏసీబీ అధికారులకు రెడ్ హ్యాండెడ్‌గా చిక్కారు.

ఏసీబీ అధికారుల వివరాల ప్రకారం, యూసుఫ్‌గూడ చెక్‌పోస్ట్ సమీపంలోని రత్నదీప్ వద్ద శ్రీలత మొత్తం ₹5,00,000/- లంచం డిమాండ్ చేశారు. “మీసేవలో దరఖాస్తు చేసుకున్న దశ నుండి ఇంటి నిర్మాణ అనుమతి ఇప్పించే వరకు సహాయం చేస్తాను” అంటూ బాధితునికి హామీ ఇచ్చారు. ఈ క్రమంలో ముందస్తుగా ₹1,00,000/- లంచం స్వీకరిస్తుండగా ఏసీబీ బృందం ఆమెను పట్టుకుంది.

అధికారుల చేతికి చిక్కిన సమయంలో ఆమె వద్ద నుండి ₹1 లక్ష నగదు స్వాధీనం చేసుకున్నారు. కేసు నమోదు చేసి దర్యాప్తు కొనసాగిస్తున్నారు.

ప్రజలకు విజ్ఞప్తి: ఏదైనా ప్రభుత్వ ఉద్యోగి లంచం డిమాండ్ చేసినట్లయితే వెంటనే అవినీతి నిరోధక బ్యూరోను సంప్రదించాలని అధికారులు సూచిస్తున్నారు. టోల్ ఫ్రీ నంబర్ 1064 కు కాల్ చేయవచ్చు. అదనంగా వాట్సాప్ నంబర్ 9440446106, ఫేస్‌బుక్ ద్వారా కూడా ఫిర్యాదు చేయవచ్చు. మరిన్ని వివరాలకు అధికారిక వెబ్‌సైట్‌ను సందర్శించవచ్చు.

ఫిర్యాదుదారుల వివరాలు పూర్తిగా గోప్యంగా ఉంచబడతాయని ఏసీబీ స్పష్టం చేసింది.