ఆయుధం వీడి.. న్యాయం వైపు: లాసెట్లో మెరిసిన మాజీ మావోయిస్టు అగ్రనేత దేవ్జీ
ఆయుధం వీడి.. న్యాయం వైపు: లాసెట్లో మెరిసిన మాజీ మావోయిస్టు అగ్రనేత దేవ్జీ
హైదరాబాద్, జూన్ 5: వయసు, గతం లక్ష్యసాధనకు అడ్డుకావని మాజీ మావోయిస్టు అగ్రనేత తిప్పిరి తిరుపతి అలియాస్ దేవ్జీ నిరూపించారు. తాజాగా విడుదలైన తెలంగాణ లాసెట్ ఫలితాల్లో ఆయన 57 మార్కులతో రాష్ట్ర స్థాయిలో 349వ ర్యాంకు సాధించారు.
నాలుగు దశాబ్దాల పాటు సాయుధ ఉద్యమంలో కొనసాగిన దేవ్జీ, ప్రస్తుతం రాజ్యాంగబద్ధమైన న్యాయ వ్యవస్థ ద్వారా సమాజ సేవ చేయాలనే సంకల్పంతో ముందుకు సాగుతున్నారు. ఇటీవల కోరుట్లలో నిర్వహించిన ఇంటర్మీడియట్ అడ్వాన్స్డ్ సప్లిమెంటరీ పరీక్షలు కూడా రాశారు. 43 సంవత్సరాల క్రితం ఆగిపోయిన తన విద్యాభ్యాసాన్ని తిరిగి ప్రారంభించి కొత్త దిశగా అడుగులు వేస్తున్నారు.
ఐదేళ్ల ఎల్ఎల్బీ కోర్సు పూర్తి చేసి పేదలు, అణగారిన వర్గాలకు ఉచిత న్యాయ సహాయం అందించడమే తన లక్ష్యమని దేవ్జీ తెలిపారు. తుపాకీని వదిలి చట్టబద్ధ మార్గంలో సమాజ మార్పు కోసం కృషి చేయాలని ఆయన తీసుకున్న నిర్ణయం పలువురి ప్రశంసలు అందుకుంటోంది.
60 ఏళ్ల వయస్సులో విద్య, పట్టుదల, లక్ష్యసాధనకు నిదర్శనంగా నిలిచిన దేవ్జీ ప్రయాణం యువతకు స్ఫూర్తిదాయకంగా మారింది.
తెలంగాణ లాసెట్లో 349వ ర్యాంకు, 57 మార్కులు సాధించిన దేవ్జీ 43 ఏళ్ల తర్వాత చదువు పునఃప్రారంభం ఎల్ఎల్బీ చదివి ఉచిత న్యాయ సేవల లక్ష్యం మాజీ మావోయిస్టు నేత నుంచి న్యాయవాదిగా మారే దిశగా అడుగులు
Post a Comment