సకాలంలో వర్షాలు కురవాలని కొలనుపాక సోమేశ్వరస్వామికి మహిళల ప్రత్యేక పూజలు

 

సకాలంలో వర్షాలు కురవాలని కొలనుపాక సోమేశ్వరస్వామికి మహిళల ప్రత్యేక పూజలు

ఆలేరు, జూలై 17: సకాలంలో వర్షాలు కురిసి రైతుల పంటలు సమృద్ధిగా పండాలని ఆకాంక్షిస్తూ యాదాద్రి భువనగిరి జిల్లా ఆలేరు మండలం కొలనుపాకలోని ప్రసిద్ధ శైవక్షేత్రం శ్రీ చండికా సమేత సోమేశ్వరస్వామి ఆలయంలో మహిళలు శుక్రవారం ప్రత్యేక పూజలు నిర్వహించారు.

ఆలయ ప్రాంగణంలోని కోటొక్క లింగానికి మహిళలు భక్తిశ్రద్ధలతో జలాభిషేకం చేసి ప్రత్యేక ప్రార్థనలు చేశారు. రాష్ట్రంలో నెలకొన్న వర్షాభావ పరిస్థితులు తొలగిపోయి, సమృద్ధిగా వర్షాలు కురిసి పంటలు బాగా పండాలని కోరుతూ ఈ ప్రత్యేక అభిషేక కార్యక్రమాన్ని నిర్వహించినట్లు తెలిపారు.

ఈ కార్యక్రమంలో పెద్ద సంఖ్యలో భక్తులు పాల్గొని స్వామివారికి అభిషేకాలు, అర్చనలు నిర్వహించారు. భక్తుల శివనామస్మరణతో ఆలయ పరిసరాలు ఆధ్యాత్మిక వాతావరణంతో మార్మోగాయి. రైతుల సంక్షేమం, లోకకల్యాణం కోసం నిర్వహించిన ఈ ప్రత్యేక పూజలు భక్తిశ్రద్ధల మధ్య ఘనంగా సాగాయి.