చైనా-నేపాల్ సరిహద్దుల్లో భారీ భూకంపం.. 5.1 తీవ్రతతో ప్రకంపనలు

 

చైనా-నేపాల్ సరిహద్దుల్లో భారీ భూకంపం.. 5.1 తీవ్రతతో ప్రకంపనలు

నేపాల్: ఇప్పటికే భారీ వరదలు, కొండచరియలు విరిగిపడటంతో తీవ్ర సంక్షోభంలో ఉన్న నేపాల్‌కు మరో ప్రకృతి విపత్తు ఎదురైంది. చైనాలోని సిచువాన్ ప్రావిన్స్‌లో శుక్రవారం ఉదయం 5.1 తీవ్రతతో భూకంపం సంభవించింది. చైనా భూకంప నెట్‌వర్క్‌ ప్రకారం లాంగ్‌చాంగ్‌ నగరంలో ఈ ప్రకంపనలు నమోదయ్యాయి.

భూకంప ప్రకంపనలు రావడంతో స్థానికులు భయాందోళనకు గురయ్యారు. ఇళ్లలో ఉన్న పలువురు ప్రజలు భయంతో బయటకు పరుగులు తీశారు. అయితే ఇప్పటివరకు ఈ భూకంపం కారణంగా ప్రాణనష్టం లేదా భారీ ఆస్తి నష్టానికి సంబంధించిన సమాచారం వెలువడలేదు. అధికారులు పరిస్థితిని పర్యవేక్షిస్తున్నారు.

ఇదిలా ఉండగా, నేపాల్-చైనా సరిహద్దు ప్రాంతం ఇప్పటికే భారీ వరదలు, కొండచరియల విరిగిపాటు కారణంగా తీవ్రంగా ప్రభావితమైంది. గ్లేసియర్ కూలిపోవడం, దాని నుంచి భారీగా నీరు, మట్టి, శిథిలాలు ప్రవహించడంతో నేపాల్, చైనాలోని సరిహద్దు ప్రాంతాల్లో భారీ నష్టం జరిగింది. వేలాది మందిని సురక్షిత ప్రాంతాలకు తరలించగా, వందలాది మంది మృతి చెందారు, పలువురు గల్లంతయ్యారు.

మరోవైపు, సరిహద్దు ప్రాంతంలో ఏర్పడిన భారీ నీటి సరస్సు పొంగిపొర్లే ప్రమాదం ఉందని అధికారులు హెచ్చరిస్తున్నారు. దీంతో ఇప్పటికే విపత్తుతో అల్లాడుతున్న ప్రాంతాల్లో మరింత అప్రమత్తత కొనసాగుతోంది.

ఇప్పుడే అందిన సమాచారం మేరకు ఈ వార్తను అప్డేట్ చేస్తున్నాం. భూకంపానికి సంబంధించిన మరిన్ని వివరాలు, నష్టం, ప్రాణనష్టంపై అధికారిక సమాచారం అందిన వెంటనే తాజా వివరాలను అందిస్తాం.