ఆసియా కరాటే ఛాంపియన్షిప్కు ఎంపికైన తెలంగాణ క్రీడాకారులకు మహేష్ కుమార్ గౌడ్ అభినందనలు
ఆసియా కరాటే ఛాంపియన్షిప్కు ఎంపికైన తెలంగాణ క్రీడాకారులకు మహేష్ కుమార్ గౌడ్ అభినందనలు
హైదరాబాద్, ఆగస్టు 21: ప్రతిష్ఠాత్మక 2026 AKF క్యాడెట్, జూనియర్, అండర్-21 ఆసియా కరాటే ఛాంపియన్షిప్కు తెలంగాణకు చెందిన నలుగురు కరాటే క్రీడాకారులు ఎంపికయ్యారు. ఈ సందర్భంగా తెలంగాణ స్పోర్ట్స్ కరాటే-డూ అసోసియేషన్ అధ్యక్షులు, టీపీసీసీ అధ్యక్షులు, ఎమ్మెల్సీ మహేష్ కుమార్ గౌడ్ క్రీడాకారులను ఎమ్మెల్యే క్వార్టర్స్లో సన్మానించి అభినందించారు.
జోర్డాన్ రాజధాని అమ్మాన్లో సెప్టెంబర్ 4 నుంచి 11 వరకు జరగనున్న ఆసియా కరాటే ఛాంపియన్షిప్లో తెలంగాణకు చెందిన విషాల్ రెడ్డి అమ్రాడి (-61 కేజీ), సత్య తేజ బ్రహ్మాండాని (+66 కేజీ), నిష్ఠ గంగిసెట్టి (-61 కేజీ), శశాంక్ సాత్విక్ లంకె (-52 కేజీ) పోటీపడనున్నారు.
ఆసియా స్థాయి పోటీల్లో అత్యుత్తమ ప్రతిభ కనబరిచి పతకాలు సాధించి తెలంగాణతో పాటు దేశానికి మంచి పేరు తీసుకురావాలని మహేష్ కుమార్ గౌడ్ ఆకాంక్షించారు. క్రీడాకారుల తల్లిదండ్రులు, కోచ్లను కూడా ఆయన అభినందించారు.
ఈ కార్యక్రమంలో ఇండియన్ హెడ్ కోచ్, KIO జాయింట్ సెక్రటరీ కీర్తన్, కరాటే స్టేట్ జనరల్ సెక్రటరీ మల్యాల రామస్వామి, జాయింట్ సెక్రటరీ వెంకటేష్, కోచ్ నరేష్, ఎం. రాజు తదితరులు పాల్గొన్నారు.
Post a Comment