ప్రమాదంలో గాయపడిన కాంగ్రెస్ కార్యకర్త యాకూబ్ను పరామర్శించిన టీపీసీసీ జనరల్ సెక్రటరీ నాగాసీతారాములు
కొత్తగూడెం: కాంగ్రెస్ పార్టీకి కార్యకర్తలే వెన్నెముక అని టీపీసీసీ జనరల్ సెక్రటరీ నాగాసీతారాములు అన్నారు. ప్రమాదంలో గాయపడి ఇంటి వద్ద విశ్రాంతి తీసుకుంటున్న కాంగ్రెస్ కార్యకర్త షేక్ యాకూబ్ను ఆయన పరామర్శించారు.
కొత్తగూడెం నియోజకవర్గం లక్ష్మీదేవిపల్లి మండలం హమాలీ కాలనీకి చెందిన కాంగ్రెస్ కార్యకర్త షేక్ యాకూబ్ ఇటీవల జరిగిన రోడ్డు ప్రమాదంలో కాలికి తీవ్ర గాయమైంది. దీంతో ఆయన ఖమ్మంలోని ఓ ఆసుపత్రిలో చికిత్స పొందారు. ప్రస్తుతం వైద్యుల సూచన మేరకు ఇంటి వద్ద విశ్రాంతి తీసుకుంటున్నారు.
యాకూబ్ ప్రమాదానికి గురైన విషయం తెలుసుకున్న టీపీసీసీ జనరల్ సెక్రటరీ నాగాసీతారాములు ఆయన నివాసానికి వెళ్లి పరామర్శించారు. యాకూబ్ ఆరోగ్య పరిస్థితిని అడిగి తెలుసుకోవడంతో పాటు చికిత్సకు సంబంధించిన వివరాలను తెలుసుకున్నారు. త్వరగా పూర్తిగా కోలుకోవాలని ఆకాంక్షించారు. పార్టీ తరఫున, వ్యక్తిగతంగా అన్ని విధాలా అండగా ఉంటామని ఆయన భరోసా ఇచ్చారు.
ఈ సందర్భంగా నాగాసీతారాములు మాట్లాడుతూ.. కాంగ్రెస్ పార్టీ బలోపేతానికి కార్యకర్తల కృషి ఎంతో కీలకమని అన్నారు. కష్టకాలంలో కార్యకర్తలకు పార్టీ నాయకత్వం అండగా ఉంటుందని పేర్కొన్నారు. కార్యకర్తల సంక్షేమం, వారి సమస్యల పరిష్కారానికి ఎల్లప్పుడూ ముందుంటామని తెలిపారు.
ఈ పరామర్శ కార్యక్రమంలో 45వ డివిజన్ కార్పొరేటర్ దంతెబోయిన నరేష్, ఉప సర్పంచ్ ఉబ్బన రాజు, గ్రామ పెద్దలు కడియాల సత్యనారాయణ, కోంపెల్లి వీరన్న, దయ్యాల సమ్మన్న, రావు మధు, ఓబీసీ జిల్లా సెక్రటరీ బొబ్బాల వెంకట్ యాదవ్, బొల్లం ఉదయ్ కుమార్ యాదవ్, యువజన కాంగ్రెస్ నాయకులు వంశీ, వినయ్ తదితరులు పాల్గొన్నారు.
Post a Comment