C&MD ఆదేశాలను తుంగలో తొక్కిన GDK OCP-5 యాజమాన్యం

GDK OCP-5 యాజమాన్యం C&MD ఆదేశాలను పక్కన పెట్టి, కార్మికులపై అధిక పని భారం

GDK OCP-5 లోని యాజమాన్యం C&MD  ఆదేశాలను పూర్తిగా విస్మరిస్తూ, పని చేసే కార్మికులపై అధికంగా పని భారం వేస్తున్నట్లు ఆరోపణలు ఉన్నాయి. గెలిచిన సంఘాల నాయకులను పూర్తిగా లోగింపోయి, వారు పని చేయకుండా కూర్చోబెట్టడం, దానికి తోడు మిగిలిన కార్మికులపై పని భారాన్ని పెంచడం తీవ్ర అభ్యంతరకరంగా మారింది.

నాయకులకు సౌకర్యం – కార్మికులకు భారంగా మారిన పరిస్థితి

కార్మికులు తెలిపిన వివరాల ప్రకారం, ఓపెన్ కాస్ట్ ప్రాజెక్ట్-5 (OCP-5) లోని బేస్ వర్క్‌షాప్‌లో మరీ దారుణమైన పరిస్థితి నెలకొంది. కొంతమంది సంఘాల నాయకులు తమ హోదాను ఉపయోగించుకొని ఎలాంటి పనులు చేయకుండా ఖాళీగా ఉంటున్నారు. రోజూ ఏదైనా బండి బ్రేక్‌డౌన్ అయితే, దాన్ని ఒక యూనియన్ నాయకుడికి కేటాయించి కూర్చోబెట్టడం సాధారణంగా మారింది.

దీని వల్ల మిగిలిన కార్మికులకు అధికంగా పని బాదడం జరుగుతోంది. పైగా, సూపర్‌వైజర్‌లు, ఇంజినీర్లు కూడా యాజమాన్యపు వైఖరిని అనుసరించి, పని చేసే కార్మికులకు ఎలాంటి మద్దతు ఇవ్వకుండా, వారి భారం ఇంకా పెరిగేలా చేస్తున్నారని కార్మికులు ఆరోపిస్తున్నారు.

C&MD స్పష్టమైన ఆదేశాలు – అయినా యాజమాన్యం నిర్లక్ష్యం

కార్మికుల్లో ఉత్సాహం పెంచి, బొగ్గు ఉత్పత్తిని మెరుగుపరిచేందుకు C&MD చైతన్య యాత్ర చేపట్టారు. ప్రతి గనిలో తిరుగుతూ, పనిగంటలు పెంచేందుకు, సమయాన్ని సద్వినియోగం చేసేందుకు కార్మికులకు సూచనలు ఇచ్చారు. అంతేకాకుండా, ఏ యూనియన్ నాయకుడైనా అయినా పని చేయాల్సిందేనని, చేయకపోతే వారి పేర్లు సమర్పించాలని స్పష్టం చేశారు.

అయితే, ఈ ఆదేశాలను పక్కన పెట్టి యాజమాన్యం తమ స్వంత విధానాన్ని అమలు చేస్తూ, కొన్ని సంఘాల నాయకులకు ప్రోత్సాహం ఇస్తూ, పని చేసే కార్మికులను ఒత్తిడికి గురి చేస్తోందని HMS ఆరోపించింది.

హెచ్చరిక – మారకపోతే తీవ్ర పరిణామాలు

యాజమాన్యం తీరును HMS తీవ్రంగా ఖండించింది. ఈ ధోరణి మారకపోతే, కార్మికుల్లో వ్యతిరేకత పెరిగి, ఉత్పత్తిపై ప్రభావం పడుతుందని హెచ్చరించింది. అవసరమైతే కఠిన నిర్ణయాలు తీసుకోవడానికి వెనుకాడమని HMS స్పష్టం చేసింది.