బీసీలకు 42 శాతం రిజర్వేషన్ అమలుకు చట్టబద్ధత ఇవ్వాలంటూ రేపు బంద్‌కు మద్దతు

భద్రాద్రి కొత్తగూడెం, అక్టోబర్ 17: బీసీలకు 42 శాతం రిజర్వేషన్‌కు చట్టబద్ధత కల్పించి వెంటనే అమలు చేయాలని డిమాండ్ చేస్తూ రేపు (అక్టోబర్ 18) రాష్ట్రవ్యాప్తంగా జరగనున్న బంద్‌కు ముస్లిం మైనారిటీ బీసీ ఈ ఫోర్ మద్దతు ప్రకటించింది.

జిల్లా ముస్లిం మైనారిటీ బీసీ ఈ ఫోర్ అధ్యక్షుడు మొహమ్మద్ మహబూబ్ జాని ఓ ప్రకటనలో మాట్లాడుతూ, బీసీ వర్గాలకు అన్యాయం జరుగుతోందని, వారికోసం decadesగా సాగుతున్న రిజర్వేషన్ ఉద్యమానికి చట్టబద్ధ స్థాయి ఇవ్వాల్సిన సమయం ఆసన్నమైందన్నారు.

ప్రభుత్వం ఈ అంశంపై తక్షణ నిర్ణయం తీసుకోవాలని ఆయన డిమాండ్ చేశారు. బీసీ వర్గాల హక్కుల కోసం జరగనున్న రేపటి బంద్‌ను విజయవంతం చేయాలని ప్రజలందరికీ పిలుపునిచ్చారు.

మహబూబ్ జాని మాట్లాడుతూ, “ముస్లిం మైనారిటీ బీసీలు కూడా ఈ పోరాటంలో భాగమని, సమాన హక్కులు, సమాన అవకాశాలు లభించే వరకు ఉద్యమం కొనసాగుతుంద”ని స్పష్టం చేశారు.

జిల్లాలోని అన్ని పట్టణాలు, మండలాల్లో ముస్లిం మైనారిటీ బీసీ ఈ ఫోర్ కార్యకర్తలు బంద్‌కు మద్దతుగా పాల్గొననున్నట్లు తెలిపారు.