కేపీహెచ్‌బీలో వ్యభిచారం ముఠా గుట్టు రట్టు ప్రధాన సూత్రధారి అరెస్ట్

 

కూకట్‌పల్లి, అక్టోబర్ 13 : కేపీహెచ్‌బీ పోలీస్ స్టేషన్ పరిధిలో వ్యభిచారం ముఠా కార్యకలాపాలను పోలీసులు బట్టబయలు చేశారు. ప్రధాన సూత్రధారి జగద్దిరిగుట్టకు చెందిన దిలీప్ సింగ్ (46) ను కేపీహెచ్‌బీ పోలీసులు ఆదివారం అరెస్ట్ చేసి రిమాండ్‌కు తరలించారు.

పోలీసుల ప్రకారం, దిలీప్ సింగ్ కేపీహెచ్‌బీ కాలనీలో జాతీయ రహదారి పక్కన గదులను అద్దెకు తీసుకుని మహిళలతో వ్యభిచారం నిర్వహిస్తున్నట్లు వెల్లడైంది. గోప్య సమాచారంపై దాడి చేసిన పోలీసులు నిందితుడిని పట్టుకొని విచారణ జరిపారు. విచారణలో పలు ముఖ్యమైన వివరాలు బయటపడ్డాయని పోలీసులు తెలిపారు.

కేసు విచారణ అనంతరం నిందితుడిని న్యాయస్థానం ఆదేశాల మేరకు రిమాండ్‌కు తరలించారు. కేపీహెచ్‌బీ సీఐ రాజశేఖర్ రెడ్డి మాట్లాడుతూ, “పరిధిలో ఇలాంటి అనైతిక కార్యకలాపాలకు చోటు ఇవ్వమని, వ్యభిచారం నిర్వహించే వారిపై కఠిన చర్యలు కొనసాగుతాయని” స్పష్టం చేశారు.