ఖమ్మంలో అమానుష హత్య.. స్నేహితుడే నరికి ముక్కలు చేశాడు!

ఖమ్మం జిల్లాలో మనసును కలచివేసే హత్య ఘటన వెలుగుచూసింది. నగదు కోసం స్నేహితుడే స్నేహాన్ని మరిచి దారుణానికి ఒడిగట్టాడు.

సెప్టెంబర్ 15న హైదరాబాద్కు వెళ్తున్నానని చెప్పి ఇంటి నుంచి బయలుదేరిన వెంకటేశ్వర్లు (38) కనిపించకపోవడంతో కుటుంబ సభ్యులు ఫిర్యాదు చేశారు. పోలీసులు దర్యాప్తు చేపట్టి, సీసీ కెమెరా ఫుటేజీలు, కాల్ డేటా ఆధారంగా విచారణ కొనసాగించారు.

చివరికి వెంకటేశ్వర్ల స్నేహితుడు అశోక్‌పై అనుమానం వెళ్లింది. విచారణలో అశోక్‌ నేరాన్ని ఒప్పుకున్నాడు. నగదు కోసం ఈ హత్యను ముందుగానే ప్లాన్ చేసినట్లు తెలిపాడు.

సెప్టెంబర్ 16న వెంకటేశ్వర్లును తన రూమ్‌కు పిలిపించి, నిద్రలో ఉండగా ముక్కలుగా నరికి హత్య చేశాడు. అనంతరం శరీర భాగాలను బైక్‌పై తీసుకెళ్లి ఖమ్మం శివారు ప్రాంతాల్లో పడేశాడు.

పోలీసులు నిందితుడిని అదుపులోకి తీసుకొని, కేసును పూర్తిగా ఛేదించారు. ఈ ఘటనతో స్థానికులు తీవ్ర దిగ్భ్రాంతికి గురయ్యారు.