4 లక్షలు లంచం తీసుకుంటూ ఏసీబికి చిక్కిన పట్టణ ప్రణాళికాధికారిణి

హైదరాబాద్‌ నగర పరిధిలో మరో అవినీతి ఘటన వెలుగులోకి వచ్చింది. నార్సింగి పురపాలక సంఘంలోని పట్టణ ప్రణాళిక శాఖ అధికారిణి ఎస్. మణి హారిక తెలంగాణ రాష్ట్ర అవినీతినిరోధకశాఖ (ACB) అధికారుల చేతిలో పట్టుబడ్డారు.

వివరాల్లోకి వెళితే— ఫిర్యాదుదారుడికి చెందిన బహిరంగంగా ఉన్న ఒక ప్లాట్‌ క్రమబద్ధీకరణ (LRS) ప్రొసీడింగ్‌లను జారీ చేయడానికి మరియు ఆ దరఖాస్తును ప్రాసెస్ చేయడానికి మణి హారిక మొదట రూ.10 లక్షల లంచం డిమాండ్‌ చేసినట్లు సమాచారం. అందులో భాగంగా రూ.4 లక్షల రూపాయలు స్వీకరిస్తూ ఉన్న సమయంలో అనిశా అధికారులు ఆమెను అరెస్ట్‌ చేశారు.

ప్రస్తుతం ఆమెపై అవినీతి నిరోధక చట్టం కింద కేసు నమోదు చేసి విచారణ కొనసాగిస్తున్నారు.

ప్రజలకు అనిశా అధికారులు విజ్ఞప్తి చేస్తున్నారు —

ఎవరైనా ప్రభుత్వ సేవకుడు లంచం అడిగినట్లయితే వెంటనే తెలంగాణ అవినీతినిరోధకశాఖ టోల్‌ ఫ్రీ నంబర్‌ 1064కు కాల్ చేయాలని సూచించారు. 

 వాట్సాప్‌ 9440446106,

ఫేస్‌బుక్‌ (Telangana ACB),

ఎక్స్‌ (@TelanganaACB),

మరియు వెబ్‌సైట్‌ acb.telangana.gov.in ద్వారా కూడా ఫిర్యాదు చేయవచ్చని తెలిపారు.

🔒 ఫిర్యాదుదారుల వివరాలు గోప్యంగా ఉంచబడతాయని అనిశా అధికారులు హామీ ఇచ్చారు.